رواية حياتي تدمرت بسبب نظرت لقافه

يسلمو روز على الرد

خخخخخخخخخخخقه الروایه

مشگوره عل الموضوع الی اگثررررررر من الرایع

تقبلی مروری یاعسوله

مشكوره رهوفه انتي الي احلى

يسلمو رهوف على الرد

البارت السادس عشر ^^




الصبح الساعه 9

في بيت ابو فهد

نزل فهد من غرفته حالته مو مثل قبل ...ذبلان ومره حالته تكسر الخاطر

ام فهد خاطرها منكسر على شكل ولدها: فهد

فهد بتعب: هلا يمه

ام فهد:وش فيك

فهد: مافيني شي

ام فهد: طيب تعال بقولك شي

فهد:يمه اسف مرا تبعان

ام فهد: طيب تبعان وتروح لشركه.؟!!

فهد بتعب: يمه تبغين شي

ام فهد: لاسلامتك بس انتبه لنفسك

فهد: انشاء الله ....

....وطلع وركب السياره وراح لشركه....

____________________________

نروح لشركه

اول مادخل الكل وقف مندهش من فهد ان حالته مرا تبعان ودخل مكتبه


والكل يدخل مكتبه ويتحمد له السلامه


رعد دخل: آهلن

فهد: هلا والله

رعد: ليش جاي الشركه

فهد: ليش تسئل

رعد: لا ولاشي بس شكلك تعبان

فهد: لا موتعبان بس جيت هنا لاني طفشان

رعد نسى نفسه: طفشان ولا ..وسكت xd

فهد مستغرب: والا ايش.؟!

رعد بتصريف: سلامتك

رعد: أأإإ فهد بقولك شي بس لاتزعل وتعصب

فهد: تفضل لا ماراح اسوي شي

رعد بااحرااج : أأأ إإإ شسمه اي فهد ترى شوي وينكشف سرك يعني الكل بالشركه مستغرب وما كنت كذا قبل وثانيا مافيه رجال تهزه بنت وماهقيت ان بنت تسوي فيك كذا

فهد: عاارف اللي كنت بتقوله بس انا مااحبها وانتظر لو اسبوع ويتعدل مزاج وارجع زي ماكنت قبل

رعد: كفوو اخوي ابغاك زي قبل

وخذاهم الوقت بالسوالف

...وطلع رعد ...


فهد انهد حيله وحط راسه على المكتب وهو ذبلان وتعبان ماتعشاء ولا افطر

بعد خمس دقايق طق الباب

فهد بدون مايناظر وبدون مايرفع راسه قال بنبره كلها تعب : ادخل

دخل: السلام عليكم

فهد بدون مايناظر : وعليكم السلام

اللي دخل منصدم هذا مو فهد اللي اعرفه

فهد حس ان احد ساكت ورفع راسه وانصدم



مين تتوقعون ...؟!

وش اللي بيستنى فهد بعد ذا التعب و الكائبه..؟!

وش بيصير لرغد مع الوقت ...؟!

هل بيتدخل رعد بسالفتهم..؟!

ردود + تقييم

البارت السابع عشر ^^


استرجاااع

فهد حس ان احد ساكت ورفع راسه وانصدم


فهد منصدم: فيصلّّ!!

فيصل مستغرب: فهدّ!!

فهد بتعب: هلا

فيصل: ليش حالتك كذا .. وش فيك..؟!

فهد : مافيني شي بس شوي تعبان

فيصل بحزن: سلامتك

فهد توه يستوعب: هلاهلا تفضل

فيصل مستغرب مو فهد اللي شفته بالشاليه : لا لا زاد فضلك.. بس وش فيك..؟!

فهد ارتبك : لا مافيني شي

فيصل: امش نروح للمستشفى

فهد: اقولك مافيني شي

باللحظه هذي دخل رعد وانصدم مين اللي عند فهد

رعد: هلا فصولي

فيصل : هلابك لا لا مقدر على الدلع ههههه

وسلم عليه


رعد: ههههههه

فهد حط راسه على الكرسي ( رجع نفسه على الكرسي) وتنهد


فيصل انتبه له: رعد اخوك وش فيه ..ليش وجهه كذأإ ... صاير شي انا ما اعرفه


رعد: لا لا بس شوي تعبان

فيصل: طيب ليش مايروح للمستشفى

رعد: حاولت بس ماقدرت له معاند... ولازم يروح كل يوم للمستشفى عشان يده بس ماراح

فيصل: لا دام السالفه كذآ انا بوديه

فهد: اقولكم مافيني شي

فيصل: اقول قم بلا دلع

رعد: هههههه يله فهد لازم تروح

وقام فهد من الكرسي وحس رجوله ماتقدر تشيله وطاح على الكرسي


رعد وفيصل قربوا عنده

رعد: فهد فيك شي

فهد بتعب: ماادري

فيصل بخوف: تبغى ندق على الاسعاف

فهد: لا لا مولازم انا اروح

رعد: متاكد تقدر

فهد: ايه

فيصل رفع فهد وسنده عليه ومسك يده اليمنى ورعد مسك يده اليسرى

وطلعوا برى الشركه وراحوا للمستشفى

وبعد ساعه

نروح لبيت ام فيصل

__________________________

ام فيصل : رغد

رغد: هلا

ام فيصل: دقي على اخوك شوفي وينه

رغد: من عيوني

..ودقت على فيصل..

فيصل: هلا

رغد: هلابك

فيصل : امري

رغد: وينك انت

فيصل: بالمستشفى

رغد شهقت بخوف: ليش وش فيك

فيصل: لا مافيني شي بس فهد تعبان وديناه انا ورعد

رغد خافت على فهد بس اللي خافت منه رعد وسكتت

ام فيصل ماتطمن قلبها وسحبت الجوال من رغد

ام فيصل بخوف: الو

فيصل : هلا يمه

ام فيصل : وش السالفه

فيصل يهديها: لا بس فهد تعبان وديناه المستشفى والحين بنطلع

ام فيصل : لا لا تودونه مكان اول ماتطلعون تعالو عندي

فيصل بفرح: من عيوني يالغاليه ... هاه تبون شي

ام فيصل : لا سلامتك ..وانتبهو لاانفسكم

فيصل : انشاء الله

...وسكر الخط...

رغد: ماما

ام فيصل: هلا

رغد: مين بيجي

ام فيصل : فهد ورعد

رغد: اها

ام فيصل : رودي

رغد: عيونها

ام فيصل : روحي جيبي بطانيه لفهد

رغد: طيب بس ليش..؟!

ام فيصل: لانه تعبان اخاف يمرض زياده

ام فيصل: وقولي للخدم يجهزون حلا والشاي والقهوه والفطاير في المجلس اللي بالملحق

رغد: من عيوني


..وراحت رغد للخدم وقالت لهم المطلوب ...

ام فيصل : رغد

رغد: هلا

ام فيصل : ترى فيصل والشباب بالملحق لحد يطلع بالملحق

(اقولكم ليش ام فيصل قالت لرغد بذات لان رغد تعشق شي اسمه مجلس الملحق وهو مجلس الرجال )

رغد: اوكي بروح اعطي خبر ليناد

ام فيصل : وصحي اخوك خالد

رغد وهي تركض وتصعد الدرج: اوكي

...ودخلت على خالد....

رغد وفت عند الباب تطبل فيه وتضرب وتغني زهقت وهو ماقام

رغد بصراخ : خلووود قووم... خالد ووجع قم


خالد ولا طق لها خبر

رغد بنجاسه: خالد الحق على البليستيشن حقك خربته ريناد

خالد نقز من فراشه بعصبيه: والله لا اكفخها مو اول مره تخربه ذي الخبله ...(ونط من السرير )...

ولافكر يغسل وجهه وياخذ شاور جاهز للهواش وفتح الباب بسرعه ومسكته رغد مع التيشيرت حقه تهديه


رغد تحك راسه بانها توهقت: امزح امزح امزح .. ماسوت شي ..بس امي قالت صحي
خالد وانت ماصحيت

وعضت شفايفها وركضت لغرفه ريناد وسكرت الباب وقفلته

خالد من ورى الباب: اوريك يالخبله حسابك بعدين

ريناد مو فاهمه شي

رغد فاقعه ضحك:هههههههه


ريناد: وش فيك!!

رغد: هههههه توه صاحي نوم

رييناد: لا تقولين قلتي له شي وهو نايم

رغد: هههههأإأإي ايه قلت له انك خربتي البليستيشن وقلت له امزح وعصب علي

ريناد: أكييييييد طبعا قومتيه على حسابي وخذيت كم سبه منه بسبتك

رغد: أيه سبك ههههههه

ريناد تمد يدها: يله اعطيني فلوس ماشاء الله تقومين الناس على حساب غيرك

رغد: انقلعي بس

ريناد بوزت: ...

رغد: لا مقدر على زعل رنوو

ريناد: خلصتي..؟!

رغد بااستغراب: ايه

ريناد: يله برا

رغد: ياسخيفه كنت بقول شي بس نسيت

ريناد: وشو..؟!

رغد: لا انتي تقولين برا

رينناد: مافيه طلعه من هنا الين ماتقولين

رغد تحك راسها بفهاوه :هااه اييه لاتتطلعين للملحق

ريناد: ليشش.؟!

رغد: لا بس بيجون شباب

ريناد: والله مدري مين اللي يطلع كل يوم للملحق ويعشقه

رغد: انقلعي بس

.....ريناد كانت ورى رغد بالضبط عشان تبغى تقفل باب الغرفه اذا طلعت رغد ...

فتحت الباب رغد ولقت اخوها خالد يطالع لها بضحكه شريره

خالد كان معه مسدس مويه: نيااهااهاااهاا

....ريناج شافته ودفت رغد برى الغرفه وسكرت الباب وقفلته ...

....وقعد خالد يرش رغد بالمويه وهربت ... رغد نص شعرها ونص ظهرها مويه...

.....بعد نص ساعه....


رغد وام فيصل بالصاله

دقت ام فيصل على فيصل

ام فيصل : الو فيصل

فيصل: هلا يمه

ام فيصل : تعالوا لصاله بسلم على فهد وبتحمدله السلامه واذا تبون اجلسوا بالصاله

اوسع لكم واشرح لكم

فيصل: من عيوني

وسكر الخط

____________________

نروح عند الشباب بالملحق

فيصل: فهد امي تقول تعالوا داخل وبتحمد له السلامه

فهد: طيب بس رعد بالحمام

فيصل: امش داخل اذا طلع انا اروح اجيبه

فهد: اوكي

ودخل فهد وفيصل من باب النساء وعلى طول لصاله

رغد تحسب الكل دخل وخرجت من باب الرجال وراحت للملحق

الملحق عباره عن حمامات ومغاسل و مجلس كبيير وفخم بمعنى الكلمه وكلمه فخم قليله بحقه

المجلس زجاجي فخم والاضاءه عاكسه على المجلس والمغاسل واضاءت البيت تعكس انوار روعه عليه

دخلت رغد الملحق وسكرت الباب الزجاجي يعني تشوف اللي برى وهم مايشوفونها بوقت الصبح

وشغلت البلازما وتلحفت بالبطانيه اللي كان متغطي فيها فهد لانها بردانه لان خالد رش عليها مويه

وقعدت تقلب بالقنوات وانتبهت ان احد بيفتح الباب وتغطت بالبطانيه ووقفت يعني قامت وصارت واقفه

فتح الباب مستغرب (لهدرجه فيصل ولا فهد يلعب معي الله يرجهم ) : فيصل

رغد ساكته ومنفجعه (هذا مو صوت فيصل) وخافت زياده

رعد بهيبه: وش فيك..؟!

يلف يمين وتلف معه عشان مايشوفها ويلف يسار وتلف معه عشان مايشوفها

انقهر وقرب منها ويسحب البطانيه وهي متمسكه فيها ودمعت عيونها وقعدت تبكي على الصامت من خوفها

انقهر وسدحها بااقوى ماعنده وجلس فوقها وسحب البطانيه وهي مازالت متمسكه فيها وعاضه على شفايفها

وانقهر وسحبها بااقوى ماعنده وأنصدم ماتوقع انها رغد ومنصدم من جمالها بس مصدوم وماقدر يتكلم او يتحرك او يقوم عنها
رغد وهي تبكي ارتبكت وخافت : رر رر رعد..؟!

رعد لحد الان مصدوم (وش جاب رغد هنا وفيصل وفهد وينهم)

رغد شهقت خايفه منه ودفت صدره بيدينها وبعد عنها بسرعه وهو جالس على الارض
وقعدت تركض وتبكي وطلعت من مجلس الرجال


ودخلت مع باب الرجال وصعدت الدرج وهي تركض

فهد انتبه لها انها تبكي وجايه من برى

بس فيصل ماانتبه لانه يكتب بالبلاك

دق جوال فهد: الو

رعد: يله مشينى

فهد مستغرب (يعني رغد كانت عند رعد لا لا مستحيييل) : طيب الحين جاي

وسكر الخط

فهد: يله فيصل حنى بنمشي

فيصل : على وين بدري

فهد: والله بروح البيت تعبان

فيصل : اوكي على راحتك ... سلامتك

وطلع فهد وركب سياره رعد

فهد في قلبه سوال

فهد: رعد

رعد: هلا

فهد بقهر: رغد وش تسوي عندك ..؟!

رعد بتوتر: لا بس هي دخلت المجلس بالغلط .... ( وقاله السالفه ) ..؟!

فهد انقهر ان رعد يشوف رغد وهو مايشوفها بس حاول ينساها

رجع فهد للبيت وناام


وراح رعد لشركه يكمل شغله


وجاء وقت الليل ورجع رعد للبيت هو وابو فهد

بس على فكره ابو فهد مو كل وقته بالشركه لا لان رعد هو اللي مستلم الشغل كله وفهد عن قريب انشاء الله

وانتهى ذأإ اليوم بتعب ومرض فهد


توقعاتكم :

بيرجع فهد زي قبل..؟!

رغد بتعيش حياتها وتنسى فهد..؟!

فهد بيعيش حياته وبنسى رغد...؟!

رعد تتوقعون بيسوي شي ويتدخل في اشياء ...؟!


ردود + تقييم

شكراً رغود

یسلمووووووووووووووووووووا رغوده

مره حماس ورعه اعشق اللرویات

مشكورين

بنات ادري انكم متحمسين لروايه انا كنت مثلكم متحمسه متا ينزل البارت ١٨ بس رحت و جبته لكم

الـثـامــن عــشــر ^^







الظهر الساعه 11
في بيت ابو فيصل
فيصل فتح شنطه اللي اخذها لشاليه لانه فاقد شي وتوقع انه بالشنطه

وفتح الشنطه ولقاء ثوبه في دم واستغرب
فيصل : ثوبي هذا بس من وين جاه الدم ..؟!!
فيصل حاول يتذكر: ياربي اذكر اني مالبسته ..؟!!
فيصل مستغرب من ريحت ثوبه ريحته عطر نسائي وقرب خشمه بيتاكد الريحه بثوبه ولا لا
فيصل: بعد عطر بنت ..؟!!!!

فيصل حاول يربط الدم بالعطرويكلم نفسه: لا معناتها بنت لابسته لا وين تلبسه انا حطيته بالشنطه وكان نظيف يمكن بنت لبسته بالشاليه اووفف يطقع ابو التفكير
فيصل : لحظه عهود اي صح عهود لا انا متاكد عهود ..صح عهود بنت وهذا عطرها وانا ضربتها وهذا دمها ..؟!!
فيصل : احسن لي اقوم واسئل رغد
وطلع فيصل من غرفه ومعه الثوب ودخل غرفته الثانيه حقت الرسم وحط الثوب بغرفه الرسم

صح نسيت لااقولكم

فيصل رسام وله غرفه كبيره خاصه بالرسم حيث تعطيه التعابير واي شي يصير في حياته
سواء تكون شي حلو او شي مو حلو او سعيد او حزين او احداث صارت يرسمها
نرجع لروايه
وحط الثوب بغرفه الرسم وطلع
واتجه لغرفه رغد وطق الباب
رغد: تفضل
فيصل: هلا والله
رغد: هلابك
فيصل : رغد بسئلك سوال..!؟
رغد:ومن متى اخوي يستئذن انه يقول سوال..؟!
فيصل: تحطييييييم
رغد: تعودت عليك يالعصبي ههههههههه تسئل بدون ماتستئذن ههههههإأإي
فيصل : الله يرجك ..لا بس يوم الشاليه
رغد: ايوه
فيصل : عهود كانت لابسه ثوب صح
رغد بستغراب :ايه
فيصل مسوي فيس براءه: مين حقه..؟!
رغد: ماادري بس اضن انه حق اخوها بس هي راحت قالت بدبر نفسي ..ايه وليش تسئل..؟!
فيصل شق الابسامه وقعد يصرف عشان ماتشك رغد فيه: لا ولاشي ...بس انتم يالبنات اذا تبون الشي تدبرونه من تحت الارض اما اذا حنا نبيه وارسلناكم ماتدبرونه لنا
رغد: ههههه انقلع بس
فيصل : هههههه
وطلع
________________________
نروح لبيت ابو فهد

فهد صحي وكل جسمه منهد حيله و اخذ شاور وبدل ملابسه وطلع من غرفته ونزل

طبعا عهود ورهف وهمس وريم ماكانوا يشوفون اخوهم فهد لانه كان يطلع بدري ويكونون نايمين او يطلع على طول من غرفته وعلى طوول سيدا لباب الشارع وعلى طول لشركه

عهود والهنوف كانوا يتفرجون على التلفزيون

وريم وهمس ورهف كانوا يحشون على جمب

وام فهد كانت ماسكه كتاب تقراءه

نزل فهد وسلم على امه وباس راسها وسلم على اخواته

عهود منصدمه والبنات منصدمين بس البنات مشوو السالفه وعدوها على خير يعني ببالهم انه تعبان وحالته كذا من الشركه

بس عهود منصدمه ( ليش حالته كذا مو فهد اللي نعرفه اللي يهد البيت اذا عصب...لهدرجه هو اللي انهد بس ليش )

وقطع تفكيرها رنت جوالها وقرت الاسم ورفعت عيونها تطالع فهد

فهد كان يناظرها وقامت على طول
عهود: عن اذنكم
الكل: اذنك معك
...وراحت عهود للحديقه ...
فهد وقف: يله انا طالع
ام فهد: الله معك .. وانتبه لنفسك
فهد: فمان الله ... حاظر

وطلع و وقف ماكمل طريقه وقعد يسمع سوالف عهود بيعرف مين تكمل
فهد بقلبه ( هي تكلم رغد ولا انا غلطان ..؟! )
عهود: هلا والله رودي
رغد: هلابك
عهود: كيفك..؟!
رغد: تمام
عهود: دوم يارب
فهد يقول في قلبه( رغد تمام و حالتي عكس حالتها لهدرجه مستانسه ) تنهد:آآه
وسمعت عهود تنهيدته ومر من عندها وركب السياره
وفتحوا الحراس البوابه وطلع وراح لشركه
عهود انكسر خاطرها من شكل اخوها: رورو
رغد: ياعيون رورو
عهود: فديتك ابغى اطلع معك
رغد: تامرين امر
عهود: لا انا اللي بتمشى فيك بس بعد ساعتين تقريبا انتي فاضيه الساعه 2
رغد بستغراب: ايوه فاضيه بس وين بنروح...؟!
عهود: بعدين اقولك بس لاتاخذين معك فلوس مايحتاج
رغد بستغراب :اوكي

وسكرت الخط

بعد ساعتين عهود تجهزت ولبست عبايتها كتف وتلثمت
ورغد نفس الشي لبست عبايتها الكتف وتلثمت ( تركت النقاب )

دقت عهود على رغد: يله انا برى
رغد:اوكي

رغد شافت فلوسها على السرير بتاخذهم : بس عهود قالت المشوار اللي بنروح له مايحتاج
رغد اخذتهم وحطتهم بالبنطلون : يله يمكن احتاجهم
وطلعت

وركبت السياره

عهود قالت لسواق المكان قبل لاتجي رغد
رغد بستغراب:وين بنروح..؟!
عهود: الحين تشوفين

وصلوا

وقفوا عند مبنى كبييييير زجاجي فخم
عهود: يله انزلي
..ونزلوا ودخلوا ذا المبنى ..

رغد بخوف: عهود وش ذا المكان
عهود: ههههه هذي شركتنا
رغد: واآآأإآآو فخمه ..تصدقين ماعمري شفت شركتنا
عهود: هههه الله يرجك امشي بس

وركبوا المصعد من كثر الادورا ماتدري رغد هم باي دور
وطلعوا من المصعد
ووقفت عهود عند باب غرفه من غرفه الشركه بس هذا الباب فخم يتميز بذوق صاحبه وفخامته

عهود كانت مبستمه شافت الباب واختفت ابتسامتها

رغد: وش السالفه..؟!
عهود: الحين بتفهمين السالفه هذا مكتب فهد
رغد: لا لا ماراح ادخل
عهود: بتدخلين معي بس خليك ساكته اوكي..؟
رغد بخوف: اوكي بس
عهود: ادري قصدك رعد لا تخافين الحين بيطلع ويروح البيت
رغد تطمنت: اوكي

وطقت الباب عهود

فهد بتعب : أأدخــل
دخلوا عهود ورغد

فهد كان جالس بالكرسي ومعطيهم ظهره يعني مايشوفون وجهه وحالته وشكله

فهد بتعب وصوته الممزوج ببحه التعب : اذا كان معك ملفات حطها على مكتبي بدون اي نقاش واذا تبغى تسئل او تستفسر مو فاضي اليوم تعبان

عهود ورغد انصدموا
رغد ضمت عهود كسر خاطرها فهد وصوته اجل وشلون اذا شافت شكله

استغرب فهد ماسمع صوت حط الملفات ولا تكلم الشخص ولا طلع ... الشخص لحد الان واقف

لف فهد الكرسي وانصدم بنتين مين هم
فهد : عهوود!!
عهود تجاوب على كلامه: انت اصلا كل يوم تعبان
فهد ماانتبه للي بجمب عهود ولف وعرف انها رغد
رغد انصدمت من شكل فهد وماقدرت تتحمل شكله وحالته وتعبه وشهقت ودموعها نزلت بس ماتوقعت حال فهد صاير كذآ
ولفت رغد بتطلع وصارت تمشي عشان توصل للباب بس كانت الغرفه كبيره واسرعت حست نفسها بتختنق لو تأخرت شوي وماطلعت من الغرفه
ووصلت للباب وبسرعه فتحت الباب بتركض
وشهقت وطلعت دموعها واسرعت في مشيها وصقعت في واحد
وكان ماسك ملفات وطاحت رغد ..وطاحت الملفات اللي معه ..وطاح الموظف
وانفكت لثمه رغد وانصدمت من اللي صقعت فيه وهي تبكي بخوف: رعــد!!!

رعد انصدم (وش جابها هنا لهدرجه تعرف كل شي عن اخوي ) وسكت ماقال شي : -_-

وقامت رغد من الارض وتلثمت ...
وقام رعد وشال الملفات من الارض ودخل على فهد بمكتبه ولقاء عهود تسولف مع فهد

رعد: أإحـم
فهد بتعب : هلا
رعد بعصبيه وكره : وش جابها هنا
فهد: مين..؟!
رعد: أف ماابحها و مااحب سيرتها
فهد وعهود تضايقوا وعرفوا انه يقصد رغد
فهد: مع عهود
رعد حط الملفات على مكتب فهد: هذي الملفات انا طالع للبيت
فهد: الله معك
عهود ورعد طلعوا من الشركه ولقوا رغد عند باب الشركه تنتظر عهود
رعد: عهود
عهود: هلا
رعد: قولي لسواق يمشي انا بوديكم
عهود: اوكي
عهود: رغد
رغد: هلا
عهود: سمعتي
رغد: ايه بس انا ابغى اروح مع السواق
عهود: رغد خلاص
رغد بتأأفف : طيب

وقالت عهود لسواق يمشي

وركب رعد السياره وركبت عهود وبعدها رغد

رعد: هاه عهود تبغين تتغدين من المطعم..؟!
عهود: أي ماتغديت انا ورغد طلعنا على طول وحتى قلت لها لاتجيب فلوس
رعد يقول في قلبه( يا ليييييل ابو كرش ... ذي الرغد اكرهااااا...بس بتشوف وش بسوي فيه)
رعد: طيب خلاص بنتغدى بالمطعم

و وقف عند مطعم
رعد: يله انزلوا
رغد: ماابي
عهود: اقول انزلي
رغد: اقولك ماابي
خزها رعد ..
عهود: يله ترى بزعل منك
رغد: طيب

ونزلت
وكل واحد فيهم طلب أكله وجلسوا ياكلون
ماعدا رغد تطالع للاكل سرحانه فيه وتلعب بالشوكه وتشرب بيبسي وتكمل سرحانها وتاكل شوي وتكمل لعبها في الشوكه وتسرح يعني الصحن اللي يشوفه ماكنها اكلت

عهود خلصت اكلها: الحمدلله

رعد: الحمدلله

رغد مو مع الناس
رعد : يله عهود اركبي السياره وهاك مفتاح السياره شغلي السياره وافتحي المكيف انا الحين احاسب واجي
عهود ماصدقت خبر وطيران ونست رغد ( عهود تنسى دنيتها بس اهم شي تسوق )

رغد قامت من الكرسي وتعدل لثمتها وخلصت وراحت عند رعد وكان عند المحاسب

رغد ماتدري وين عهود ....ورعد اخذها فرصه وبيسوي اللي في باله + دفع الحساب

المحاسب: الحساب ناقص!!
رعد يشر على رغد : ايه تكملت الحساب اكل ذي
رغد انقهرت من حركته مع انها مااكلت بس كان بيقهرها وحركته مال امها داعي

وطلع رعد من المطعم بس كان يطالع لها من برى المطعم ويراقبها
رغد : اف اشوى اني اخذت فلوس
ورفعت عبايتها بقهر ماحست بنفسها وكانت ردت فعلها لانها معصبيه من رعد
رفعت عبايتها من تحت ودخلت يدها في جيب البنطلون وطلعت فلوس
رعد يطالع لها ويقول بقلبه( هلمره صرتي ذكيه واخذتي فلوس )
..................
( رعد يعرف لان عهود قالت قلت لها لاتخذين)
..................
بس ماتوقعت انها تكفي وكفى الحساب ورجع المحاسب لها الباقي

وانقهرت و لفت بتشوف وين رعد ولا عهود ومالقت احد

كانوا عهود ورعد بالسياره

ودقت عهود على رغد ورغد توها طالعه من المطعم وقفت رغد عند بوابه المطعم

رغد وقفت : هلا
عهود :وينك
رغد: هذاني توني طالعه
عهود:يقول رعد خليها تسرع في مشيها
رغد: طيب

وسكرت

وانقهرت من حركاته البايخه وشافته من بعيد داخل السياره يطالع لها بضحك ومكر

رغد بتقهر رعد وصارت تمشي ببطيء وتتمخطر في مشيتها وتتغنج

وانقهر رعد منها وسوى لها بوري لانه عصب وهي لحد الان رآيقه بس خايفه من اللي بيجيها لانها عنيده

ووصلت وركبت السياره
عهود: ليش ماطلعتي بسرعه يقول رعد انك بالحمام

رغد انقهرت وتقول بقلبها ( ولا بعد يكذب من وراي ) : لا يمكن غلطان او مشبه علي ..كنت اسولف مع واحد
عهود انصدمت وتقول بقلبها ( مستحيل رغد تتكلم مع ولد ) : واحدد!!!
رغد بدلع : لا لا تخافين كنت اسولف مع المحاسب بالانجليزي
عهود :ليشش..؟!
رغد: لا ولاشي

رعد كمل الطريق ووصل رغد لبيتها

ووصل لبيتهم ونزلت عهود ورعد

وانتهى اليوم هذا

بس قبل كل ذا بقولكم شي

رعد من داخله حنان وطيبه وقلبه طاهر ويرحم بس عنييد

بس شكله وحركاته وهيبته تظهر لناس انه اناني وقاسي ومايرحم وعنيد وقلبه قاسي مثل الحجر

بس العكس الصحيح





يله توقعاتكم:


وردوكم بشوف توقعاتكم وتخمينكم..؟!

ردود + تقييم

مشكورة

بآنتظـآإر جديدكَ

-

لآهنتِ

بلیژرررز گملی