رواية حياتي تدمرت بسبب نظرت لقافه

ابي اكملها بس ابي اكلم ندوشه بنت اختي شوي

البارت السابع





فهد : ههههه حركاتك تعجبني رومنسيتك ونعومتك ورجتك وحركاتك وعيونك وملامح وجهك يعني جمال رباني بمعنى الكلمه واهم شي عنادك وشعرك وعيونك الزرق وكل شي
رغد استحت :بس بس والله لو انا زرقاء اليمامه
فهد : من قال انتي احلى منها
رغد : خلاص اهم شي انك جاوبت ..خلاص وقف هذا هو
طبعا ام فيصل الى هي ام رغد حالتها ونفسيتها مرا تعبانه وماخلت شرطه مابلغتهم وماخلت دائره حكوميه ماكلمتهم وماخلت مستشفى وماخلت مقبره
خخخ تفاول على بنتها بالموت المهم ما خلت مستشفى مااعطتهم مواصفات بنتها رغد اذا لقوها
نزلت رغد :فهد انزل معي
فهد : لا تعبان ماراح انزل

رغد بزعل : ترى بزعل منك

فهد: لا لا خلاص الا زعلك ...ونزل معها اول ماسمعت ام فيصل الجرس وقفت وقالت

ام فيصل : اكيييد بنتي ..وابو فيصل يهديها

وريناد اخت رغد كانت فوق

ودخلت رغد وشهقاتها ماليه البيت ....

ريناد جاها خبر ان رغد جت ومعها ولد ريناد لبست عبايتها وتلثمت ونزلت بسرعه
ام فيصل تغطت ...رغد انصدمت تشوف حالت امها مره تعبانه بسبتها وفصخت النقاب ونست ان فهد معها وركضت وضمت امها وهي تبكي
ام فيصل وابو فيصل وريناد مصدومين ان رغد كشفت وفي رجال غريب بالبيت

رغد : يمه رجعت ..يمه رجعت لك

ام فيصل :يمه رغد فيك شي سوالك شي

ابو فيصل يحسب ان فهد سوالها شي ومسك فهد مع

التيشيرت حقه يهدده : اذا مسوي شي ببنتي ترا بذبحك

رغد تركت امها وراحت عند ابوها ونزلت إيدين ابوها من تيشيرت فهد ودخلت بينهم وكانت معطيه فهد ظهرها تحميه

رغد : يبه اتركه ماسوى فيني شي بالعكس هو اللي اهتم فيني

وبعد ابو فيصل عن فهد وبعدت رغد عن فهد وابوها

وفهد مصدوم من اللي تقوله رغد ونزل راسه ..وريناد وام فيصل وابو فيصل مصدومين من الكلام اللي تقوله رغد

رغد : تدرون انه انفصل من شغله بسبتي وقعدت تبكي ..

وتشر بصبعها على رجل فهد ويده :شفتو هذا... يبه... يمه تشوفون اللي فيه بسبت حادث كنت معه
ام فيصل بخوف قاطعت رغد : رغد صار فيك شي
رغد والعبره خانقتها وشهقت وقعدت تبكي وتشر على فهد :يمه اللي فيه مفروض يصير فيني بس هو حماني وصار فيه ..وصارت تبكي
ريناد لحد الان مصدومه من اللي تقوله رغد وام فيصل وابو فيصل مصدموني من الكلام اللي قاعدين يسمعونه
ابو فيصل تقطع قلبه على شكل فهد ...
رغد : يبه هو اللي جابني هنا قاطع مسافه عشان يوصلني
ابو فيصل يطلع شيك مبلغ كبير و مد يده لفهد
رغد وفهد انقهرو ..ابو فيصل : خذ ياولدي لانك جبتها هنا
فهد رد وهو مايحس بنفسه : ياعمي انا ماوصلت بنتك وحميتها عشان تعطيني شيك او مبلغ كبير الحمدلله الخير واجد ومو محتاج
ابو فيصل اعجبه كلام فهد ..رغد انقهرت من حركه ابوها يوم يعطي فهد الشيك بس انه رفض وبكت وركضت وصعدت فوق ودخلت غرفتها وصكت الباب بقوه
ابو فيصل طلع برى يشم هواء بالحديقه ويحمد ربه على ان بنته رجعت له سليمه
وريناد صعدت فوق تشوف وش فيها اختها ودخلت ريناد غرفه رغد لقت الغرفه فوق تحت مكسره كل شي.... وراحت هدتها وحبت تضحكها
ريناد: والله انك منتي بسهله يارغد وذا الولد اللي جايبه معك وربي قمر يخقق
رغد بعصبيه :ريناد مو فاضيه لكلامك السخيف
ريناد بخوف: انشاء الله ...
....وقعدت رغد تصيح

ـــــــــــــــــــــــــ ـــــــــــــــــــــ

فهد خاف على رغد ويقول لاام فيصل : خالتي عادي اروح اكلم رغد عشان اهديها

ام فيصل ارتاحت له : حياك البيت بيتك

فهد:وين جهت غرفتها

ام فيصل :اول ماينتهي الدرج يمين

وصعد فهد فوق وسمع شهقاتها وطق باب الغرفه :ممكن ادخل

ريم تضحكه : هههه وش عليك جايك لحد غرفتك

رغد ودها تضحك على كلام اختها الخبله بس ماقدرت :ريناد ممكن تطلعين وتسكرين الباب وراك

وتغطت ريناد وطلعت وقالت لفهد : تفضل

ودخل فهد :رغد ...وجلس على سريرها
..: يله عاد خلاص ماصار شي قولي لي انتي زعلانه مني ولا لا

رغد بشهقاتها : لا مو زعلانه منك من ابوي انقهرت من حركته يوم عطاك الشيك حسيت انه يشتريني منك طيب انا مو همي الفلوس يعطيك اياه من وراي مو قدامي

فهد: خلاص ماصار الا كل خير واذا على الشيك رفضته ومااخذته ولو اخذته ازعلي يله خلاص عاد

رغد مسحت دموعها : احس انك فاهمني زين اذا زعلت

فهد: ههه اكييد كل احد يفهم لاام خمااس ههههه

رغد ضحكت: ههههه

..دخلت ريناد...

ريناد: اقول رورو ماتبين تسلمين علي

فهد : اماا عادي يله سلمي على اختك انا طالع اخاف رهف وهمس وريم يااكلوني ليش تاخرت عشان يسالوني واجاوب

رغد ضحكت من قلب :ههههههه

فهد: تبغين شي

رغد: لاسلامتك

فهد :الله يسلمك

فهد ورغد سرحو

ريناد حبت تتنيذل عليهم وصرخت: هييييه انا هنا

فهد: طيب ادري فقعتي اذني ورغد هذا رقمي إذا بغيتي شي

رغد :اف جوالي ضاع لازم اشتري جوال وبطاقت البنك بعد ضاعت والشنطه والاغراض

ريناد: ههههه لا يالخبله انا لقيتهم واخذتهم ايه تعالي وش سالفه الدم اللي بالارض

....فهد طلع ونزل وباس راس ام فيصل الى هي ام رغد وطلع ولقى ابو فيصل بالحديقه وباس راسه وتاسف على الكلام الى قاله وطلع...

رغد قالت السالفه لريناد من المجمع الين ماوصلها لبيتهم

ريناد خقت: وربي رومنسيين مره لو يدري فيصل بيذبحك

رغد: اتحداه ابوي ماراح يسمح له يمسك شعره مني واصلنا حنا معتبرين نفسنا اخوان

...على فكره ترى رغد ماقالت سالفه الشقه او يوم يقرب لها او يوم يضمها شفقه لحالتها يعني ذي الاشياء ماقالتها لاختها ريناد ...

ريناد: صراحه اما دمك الى عند البوابه رقم واحد بغيت اجلس واتربع بالارض واذوقه على بالي مسوين دعايه فيمتو قلت خلني ارز خشتني باي قناة بس حراام دمك مره صافي ههههههه

رغد تضرب اختها : انقلعي والله عورني راسي

...... وطلعو من الغرفه ونزلو تحت عند امهم الي هي (ام فيصل)......

_________________________

نروح عند بيت ابو فهد (فهد)

همس وريم ورهف جالسين بالصاله ينتظرون متى يجي فهد ويسئلونه عن البنت اللي معه

ريم: بنات شفتو عيونها يخققون

همس : من صدقك اكييييد عدسات ولا رموشها ماشاء الله كثيره

رهف : الي يشوفك يقول عادتهم

همس بهستره: ايه عادتهم يمكن عشر طعش مليون دولار دينار

ريم :هههههههههههه

رهف :خلاص بنات انتظرو إلين مايجي فهد ونسئله

وجاء فهد > الذيب عند طاريه

وركضو رهف وهمس وريم وطلعو بالحوش وكانو الحرس برى البيت

رهف وهمس وريم يفتحون الباب السياره اللي ورى لان الدريشه كانت مضلله وفتحو الباب مالقوا شي

فهد حب يستهبل : وش تدورون ...مامعي احد؟!

رهف : وين زرقاء اليمامه

فهد فقع ضحك : ههههههههههه ...مين مامعي احد ... الحمدلله والشكر ...خبول تتخيلون

ريم :اللي معك مشوين وين راحت

فهد :ايه زوجتي؟!!

همس بذكاء: زوجتك وتجلس وراء ..مفروض قدام

فهد :ايه زوجتي محترمه متعوده تجلس وراء زي الامراء والملوك مو مثلكم بجمبي تقل عيال شغاله > هههههههههههه

ريم صدقت كلام فهد انه متزوج : ياويلك سويتها وتزوجت .... اعلم امي عليك

فهد قعد يضحك ويتكلم بصوت بزران بترجي : لا تكفين لا تعلمين امي اعطيك حواوه بس لاتعلمين ( حلاوه )

وركضت ريم دخلت تنادي امها ..ودخل فهد والبنات داخل البيت

ريم : يــمــاآأإآأه

ام فهد: هلا

ريم: تعالي ولدك جاء

ونزلت ام فيصل بسرعه ...وسلمت على ولدها

رهف تبي تقلد ريم وفهد يطالع لها وش بتسوي

رهف : يــبــاآأإأإأإآه

ابو فهد : وحطبه تراني قريب فقعتي اذني

فهد تسدح ضحك طاح على الارض يضحك على وجه رهف

رهف زعلت ان فهد جالس يضحك عليها وراحت لم امها

رهف بدلع بس قصدها انها زعلانه: يمه طالعي لفهد جالس يضحك علي

فهد سلم على ابوه وباس راسه وسلم على امه وباس راسها وسلم على كل اخواته واخوانه

فهد: يييععع يالمايعه ماجيتي مثل زعل القمر اللي معي

ريم بنذاله: يمه شفتي ولدك وش يقول متزوج ..بنت تطير العقل

ام فهد بستغراب : وين شايفنيها

ريم : شفنها جت هنا وركبت سياره فهد الفخمه اللي محد يركبها ..ياعليها عيون احلى من عيون زرقاء اليمامه

فهد خاف على رغد وقام يتفل على ريم : تف تف تتتفف ماشاء الله ماشاء الله عين الحسود فيها عود

رهف: شكيت انك ساحر

همس تضحك على كلام رهف: هههههه حتى انا

ام فهد:اقول ريم ..(وتمسك جبهة ريم)..شكل عليك حراره..الا عليك حراره

فهد ضحك علي ريم وتسدح ضحك :ههههههه 2 صفر بقى همس

همس بذكاء: يمه شفتي عيونها خققققه بس اضن انها مركبه عدسات لا صدقيات لا لا مركبه عدسات مو صدق لان مافيه عيون كذاأإ

ابو فهد : الحمدلله والشكر وش ذأإ البنت راديو مو بنت ..وياليت تهرج زين لا على كلام فاضي

فهد طاح من فوق الاريكه (الكنبه ولا كن فيه اختلاف ) على الارض وجلس يضحك وتعور

وقال : 3 صفر ههههههههههههه

الهنوف رحمت اخوها وقومته : وش سالفتك صاير مستر رجه

فهد : اأإآآخ بس طالع على القمر اللي شافوها خواتي الخبول ماتشوفينهم منهبلين هم شافوا عيونها اجل وشلون لو يشوفون وجهها والله بيصكونها عين وانا صراحه خايف عليها ماراح اجيبها مره ثانيه

عهود بستغراب : اول مره اشوف اخوي كذأإ

فهد: على فكره همس هذي عيونها طبيعيه مو عدسات مثلكم كل وحده تفقع عيونها وتبغزهم على مابال تدخل العدسات

همس : وش دراك

فهد ماقدر يمسك لسانه : ياخبله ست ايام معها وتنام في عدسااات كان هي الحين حولا وانا سائلها هههههأإأإي

ام فهد تطالع لفهد بسغراب : فهد علمنا وش السالفه ..وشلون معها ست ايام ..وصدق هذي زوجتك

فهد: يمه شوي شوي علي قاعد استهبل عليهم مو زوجتي


(وقال لهم كل السالفه بس مو بالضبط لا خرب السالفه شوي يعني ماقالهم سالفه

الشقه والحركات ذي والكلام اللي دار بينهم يعني نفس رغد)


والبنات متلهفين يبغون يشوفون رغد ..وسالت ام فهد ولدها فهد ليش صاير شكلك كذا يعني طالع من مستشفى ...وقال لهم سالفت الحادث


وراح فهد لغرفته ونام من التعب


ـــــــــــــــــــــــــ ــــــــــــــــــ

نسيت لااعرفكم على عائله فهد

ابو فهد وام فهد خلوهم على جنب



فهد : 20 سنه ..خجول ..عصبي .. رومنسي .. حبوب ..حنون..طيب وكريم وعاقل

بشرته بيضاء... شعره ناعم وطويل لونه اسود ..سكسوكه ..شفايفه صغيره تندمج باللون الوردي..عيونه كبار ..رموشه كثيره ..خشمه خشم السيف ... حواجبه مرسومه رسم ووجهه مرسوم رسم ..جمال رباني بمعنى الكلمه

__________________________________

الهنوف:19 سنه ..عاقله ..هاديه .. ونعومه ...عيونها حلوه بس مو كبيره حجم عادي...
شفايفها صغيره ..خشمها من سلاله السيف ...شعرها ناعم بني ...جسمها وسط...طولها عادي

__________________________________
رعد :18سنه ..عاقل بس عصبي مره ..مايحب احد يلمس اغراضه ..ولا يتدخل في خصوصياته ..
بشرته بيضاء ..عيونه وساع ..رموشه كثيره ..حواجبه مرسومه..شعره طويل اسود وناعم ..
جسمه خيال رياضي معظل شوي يعني جسمه مبين هيبته..حواجبه مرسومه ..طوله : طويل ..
سكسوكه..ماعنده لف ودوران ..صاحب شركات ...يعرف كيف يبرز جماله ومهتم في كشخته..
_______________________
عهود: 17سنه ..عيونها كبار..رموشها كثيره.. خشمها روعه ..نحيفه..بشرتها بيضاء
جسمها خققه..لها خصر خيال ..رجه ..دفشه..حركاتها حركات اولاد ..
يعني اتحدى تسئلينها عن اسم سياره وماتعرفها انشاء الله اليوم صنعو السياره بتقولك اسمها ..تحب شي اسمه..ضحك
تعليقاات..مقالب.. تقليد..
_______________________
عبد العزيز :15 سنه.. عربجي ..زاحف.. يحب يغامر ..يحب الاجرام .. ويحب السباحه
والمجمعات والشاليهات والطلعه..طويل يعني طوله حلو عليه .. عيونه وسيعه ..بشرته بيضاء
نحيف ..خشمه طويل مو بالمره طويل لا حلو ..شعره طويل اسود ناعم ..اكثر وقته برى ولا نايم بالاستراحات مع الشباب
ـــــــــــــــــــــــــ ـــــــــــــــــــــــــ ــــــــــ
رهف وهمس:14سنه ...توأم ..فيهم رجه موب صاحيه .. يحبون شي اسمه ..ضحك وتعليقات ومقالب وشوكولاته
رهف بشرتها بيضاء..مزيونه .. ونحيفه.. وطولها وسط .. وعيونها كبيره ووسيعه ..حواجبها خقه مرسومه رسم
وجسمها وخصرها روعه وترا همس نفس الشي نفس مواصفات رهف ماتفرقون بينهم
_______________________
ريم :13 سنه ..نعومه .. بس فيها رجه ..وعليها لقافه وتحب تسئل بس بحدود ..وفيها دلع طبيعي
..بسرعه تزعل..شعرها اسود ناعم قصير لنص رقبتها ..عيونها وسيعه وبشرتها بيضاء وجسمها حلو ..نحيفه..وطولها وسط
_______________________
راكان :10سنوات .. وسيم .. خجول.. ذكي ..فيه دلع بس مو مرة ..بشرته بيضاء..عيونه وسيعه
مزيووون ..وعيونه عدسته السوداء غالبه على الابيض خققه ..وخشمه سيف..شعره طويل اسود لنص رقبته وناعم ..
وشفايفه صغيره ورديه..وواثق يعني مايقدر اسامه يهز من ثقته بنفسه..ويحب شي اسمه شاليهات وبحر وطلعات وسينما
_______________________
اسامه :9سنوات..وسيم..دلوع لانه اخر العنقود واي شي يبغاه بعد دقيقه يلقاه عنده ..ملقوف ..شقي
يحب شي اسمه ضحك وتحطيييييم الثقه عند الشخص ..والمطعزه والاستعباط ..والسماجه ..مزيون خشمه سيف بشرته بيضاء
وعيونها وساع ..بس مو زي جمال راكان







..............اليوم السابع...........
صحي فهد من النوم وغسل وجهه واخذ شاور ولبس ملابسه وانتظر بغرفته متي تدق عليه رغد بس فقد الامل
وكانت الساعه تسع الصباح ونزل تحت وقال للخدم يعملون له فطور .. جلس بطاوله الطعام بـيـاكل
دق جوال فهد رقم غريب ورد على طول سمع صوت ناعم يعبر عن انوثه البنت ونعومتها وعرف مين هي
فهد بهيبه: من معي
رغد بدلع : لا قويه ماعرفتني ؟!!
فهد حب يستهبل عليها بيشوف تغار ولالا :لا ماعرفتك انتي اي وحده فيهم الهنوف ولا عهود ولا رهف ولا همس ولا ريم
رغد بقهر: اهاا ولا بعد ياليتني من بينهم
فهد قعد يضحك : هههه لا اكذب رغد اكذب لا تسكرين ههههههههه
...... وسكرت ... ودق عليها وردت بس ماتكلمت ....
فهد : شوفي لاتسكرين بوجهي بس لو تسمعيني وانا قدامي الفطور وخالق ذي النعمه اني مو النوع ذا ويالذكيه صدق انا ماقلت شي غلط لو تتذكرين الاسماء وهذولي اسماء اخواتي ههههه
رغد : وش فيك متغير صاير مستر رجه
فهد : منك .. حتى اهلي يقولون متغير على العموم ودي احجز شاليه لرجعتك لاهلك ومنها اخواتي يبغون يشوفونك وصارت سالفه ( وقال لها اللي صار)وقعدت تضحك و خلصو سوالف وسكر فهد

وصارت الساعه 12 الظهر وراح فهد لشركه عشان يشوف شغله

ورجع للبيت الساعه تسع دخل البيت وسلم على امه وابوه واخواته وجمعهم بالصاله وقالهم بكرى بنروح لشاليه وانه خلاص حاجزه
ريم ورهف وهمس هم اكثر ناس طارو من الفرحه لانهم بيشوفون رغد اللي ماخذه عقلهم وبيتعرفون على عايلتها
وصعد فهد لغرفته ودق على رغد عشان يعلمها هو اللي بياخذهم بسياره ..والسواق بياخذ اهل فهد وقال لها اطلعي برى خوذي الكيس
وطلعت واخذت الكيس وانصدمت ..
فهد شاري لها فستان فخم على ذوقه لونه احمر فوق الركبه بالضبط ماسك ومبين الجسم و مبين خصرها ومبين عليها الفخامه ويحمل كرستال فضي وشاري لها عقد لؤلؤ
عشان تلبسه بالشاليه ودقت عليه وهي بالصاله
رغد : ليش تعبت نفسك مايحتاج
فهد: لا تعب ولا شي واذا مالبستيه ترا راح ازعل ..وعشان تصيرين احلى من خواتي اسمعهم يقولون بنصير احلى منها

رغد : هههه اخاف اطلع احلى منهم يحبسوني بغرفه ويضربوني ههههه

فهد : محد يقدر يلمس شعره منك

رغد : خلاص فهد لازم اسكر

فهد: اوك يله باي
رغد : باي ... وسكرت ...توها بتصعد فوق سمعت صوت الباب اتسكر بقووه طاااااااااخ
(باب مدخل البيت)

تتوقعون ميـن ..؟؟

اذا ماشفت ردود ماراح اكمل
ابي ردود

ررغد تكفين ابي البارت الثامن من جد رووعه اروايه و دايم حماس

الـبـارت الـثـامـن ^^








خافت وارتبكت دخل اخوها فيصل البيت بس كان مزاجه شوي معصب هههههه وماسمعها ولا انتبه لها اصلنا

رغد ارتبكت شافت اخوها توه جاي من الشركه وشهقت وغيبت ( خبت) الكيس وراء الكنبه عشان مايشوفه وراحت لمه وضمته وسلم عليها
فيصل: الحمدلله على السلامه
رغد : الله يسلمك
فيصل : امي ارسلت لي رساله بس ماقالت لي من لقاك ..؟ صح من لقاك
رغد :واحد ولد ناس
فيصل عصب : سواء لك شي
رغد تهديه: لا ماسواء لي شي ..بس ليش انتم تطالعون بالجهه السالبه ...
..الولد باس راس ابوي وامي وتاسف وطلع لو كان مسوي فيني شي ماكنت انا بالبيت ..(دموعها نزلت)

ضمها فيصل ويتاسف : خلاص اسف ماكان قصدي بس مرا معصب و تعبان الشركه هدت حيلي

رغد : على فكره بكرى بتجي معنا لشاليه
فيصل :مين اللي حاجزه
رغد: الولد واهله عشان رجعت لكم بالسلامه
فيصل: اوكي منها استانس ومنها اشوفه
رغد فرحت وراحت علمت امها وريناد وابوها و وافقوو ودخلت غرفتها ودقت على فهد
وقالت له صعبه انت خذ اهلك لان اخوي فيصل هو اللي بيودينا وابوي والسواق وانت خذ اهلك ..ونامت

وصار اليوم الثامن وفهد شال الشاش والفافات الي برجله وبيده لانه تعافى واخذ اهله وراح لشاليه ..

وابو فيصل خذا اهله وراح لشاليه وفيصل اخذ الاغراض وحطهم بالسياره وراح لشاليه ووصل هو وابوه بنفس الوقت ..

رهف وهمس وريم مسوين مسيره عند الباب عشان يشوفون رغد واهلها وبيتعرفون عليهم اكثر ..

ودخلت ام فيصل وريناد بالصاله وسلموا عليهم
رهف: ريم البنت اللي شفناها مو معهم
ريم : ايه ادري انحولت من كثر ماالتفت
همس: طيب رهف دقي على فهد واسئليه وينها ليش ماجت
رهف : اوكي ..( ودقت رهف على فهد )
وطلع فهد برى مجلس الرجال عشان يكلم اخته
فهد: هلا
رهف: اقوول وين زرقاء اليمامه دخلوا اهلها وهي مادخلت لايكون ماجت
فهد مستغرب ويحاول يقهر رهف : اهاا زرقاء اليمامه بجمبي ..عندي تضحك عليك
رهف شافت خواتها راحو عند الباب هجوم شافو احد ...التفتت لقت وحده تطير العقل من جمالها ونعومتها واناقتها
رهف : اقوول انقلع هذهي توها تدخل العب على غيري اوكي بااي
فهد ضحك عليها وسكر ..وراح للمجلس وقعد يسولف هو وفيصل والشباب

...لحظه بقولكم مين كان بالمجلس ....


فيصل وابو فيصل وابو فهد ورعد وفهد وعبدالعزيز

...وفيه غرفه ثانيه كبيييره اللي موجد فيها ...

اسامه وراكان وخالد يلعبون بلستيشن sony

.....وصــالـه الـحـريــم ......

الحريم : ام فهد و ام فيصل (والهنوف اكثر وقتها عندهم )

رغد وريناد والهنوف ورهف وريم
ـ_________________

طبعا دخلت رغد وسلمت على الحريم وسلمت على البنات

ريم وهي خاقه على رغد: انتي رغد اللي ماخذه قلب اخووي ..؟

رغد نزلت راسها من الحياء والكلام اللي جالسه تسمعه

ريم : والله منت بهين يافهود تعرف تختار

رهف وريناد ورغد قعدو يضحكون على كلام ريم

رهف: تفضلو خلونا نروح عند الحريم

وجلسو قعدو يسولفون وتعرفون الحريم مايسكتون

خلصو البنات سوالف وسكتو يطالعون للحريم

همس: حشى ماعورتكم افاميكم

الحريم : قولي ماشاء الله

همس: ماابي عيني مو حاره

في هذي اللحظه عهود دخلت عليهم

ريناد قمزت تقول لرغد:انا بحلم ولا بعلم

رغد بستغراب: لا بعلم

...والبنات يسمعون كلامهم...

ريناد تتكلم بسرعه: ابغى قلم وورقه بسرعه

رغد مو فاهمه شي ابد وطلعت الورقه والقلم من شنطتها وبسرعه اعطتها اختها ومستغربه بس بتشوف وش اخرتها

وقامت ريناد واخذت والورقه والقلم و سلمت على عهود ... واعطتها القلم والورقه

عهود بستغراب : وش اسوي فيها

ريناد: معي الفنانه شوجي ولا انا حولا

البنات فقعو ضحك من اكبرهم الى اصغرهم

عهود ضحكت وحبت تكملها بااستهبال : لا منتي حولا معك شوجي قصدي شجون الهاجري

ريناد مصدومه وصدقت: وقعي لي (ومدت لها الورقه والقلم) وابغى اخذ معك صورة

البنات ضحكو وماقدرو يسكتون والرجال سمعو ضحكهم

وطلع فهد من مجلس الرجال ودق على رغد : الو رغد

رغد : هلا

فهد بستغراب ومنزعج من الاصوات اللي عند الحريم :وش ذي اللجه ..ذا الصراخ ولا ضحك

رغد تضحك :هههه لا ضحك

فهد: وش اللي يضحك

رغد : (وقالت له السالفه )

فهد: ههههه عاد عهود كثير اللي يقولون لها انا ذيك المره طردتها من البيت قعدت تصيح تقول لا انا اختك عهود ههههههه

رغد : هههههههههه

فهد: يله سكتي خواتي ترا الرجال مستغربين من اصواتهم حشى عياال (شباب) مو بنات ... (وسكر)

رغد نست نفسها : خلاص بنات فهد يقول ان الرجال معصبين من ضحككم ازعجتوهم

رهف : وليش مادق علينا مو حنا خواته

ريم: صح

عهود: خلااص عاادي اهم شي ان الخبر جاكم

... وجلسو يتغدو(ن) وبعد ماخلصوا البنات من الغداء جلسو ساعتين يسولفون وبعدها قالو بنطلع للبحر

رغد وريناد ورهف وهمس وعهود وريم راحو للبحر يتمشو(ن)..والهنوف رفضت ماتبي تطلع

وجلسو يتمشو(ن) على البحر

___________________

الشباب اللي هم ..فيصل ..وفهد..ورعد..وعبد العزيز...وراكان ...واسامه ..يلعبون كورة بالملعب

___________________

الحريم دقوها سوالف ....والشباب يلعبون...والبنات لابسين العبايات و الشيلات معهم عشان اي ولد يمر يتغطون

...وجاء وقت المغرب ...
رغد: بنات طفشت

عهود: والله ماتطفشين وانا بنت محمد آل...

ريناد:كفوو

رهف: عااد اختي ولقت احد طفشاان

همس: رغد والله لو تجلسين انتي وياها لحالكم ماتطفشين ابد

ريم: يله عهود وش بنشوف اليوم من استهبالك

عهود: الحين طيران بس بدخل الشاليه ..وراحت ركض ودخلت الشاليه وجلسوا البنات يرسمون على الرمل على مابال تجي عهود

ودخلت عهود لغرفه الملابس ولقت شنط حقت الشباب فيها ملابسهم

وفتحت وحده من شنط اخوانها اللي هي شنطه فهد وطلعت لها ثوب وشماغ ولبستهم فوق ملابسها وكانت لابسه تي شيرت وبنطلون

ولبست فوقهم الثوب وتلثمت بشماغ وطلعت متجهه للبنات

ريناد: بنات تلثموا ولد متجه لمنا ..وتلثموا البنات وهم يمشون ومع ذالك الولد وراهم

همس: اف وش يبي

رهف: المشكله مو زول اخوي يمكن واحد من اخوان رغد

رغد : لا مو من اخواني

ريم بخوف: بنات اسرعوا وكبروا خطواتكم

وقعدوا يسرعون والولد وراهم يسرع ..وفجاءه سمعو احد يصارخ

عهود بصراخ: وجع وقفو تعبت ماعرفتوني انا عهوود يااآآ تنك

رغد: هههههههه والله خوفتينا

رهف: ليش ماقلتي من اول وانتي تطاردينا على بالنا ولد

عهود بعصبيه : من زين وجيهكم عشان يطاردونكم

البنات قعدو يضحكون :هههههههه

رهف: هاه وش بتسوين

عهود: أأإأمـمـممم أبغى سياره !!!!

همس بستغراب: وش تبين تسوين بالسياره ماتعرفين تسوقين.؟؟!!

عهود: ماراح اسوق بس دبرو لي سياره

ريم: سياره فهد بس ماراح يخليك تاخذينها ..هو ماسمح لنا ندخلها بس اللي يدخلها حبيبت قلبه رغد

رغد مصدومه من نغزات ريم لها : -_-" o.O

عهود: جاتني فكره

البنات : ايييش

عهود: رغد تكفين تفاهمي الوضع ابغى منك طلب

رغد بستغراب : هلا آمري .. اللي اقدر عليه بسويه

عهود: مايامر عليك عدو ..بس ابغاك تدقين على فهد وتقوليم ابي مفتاح سيارتك

رغد: لا لا مااقدر آآسسفه

عهود: لا أمانه تكفين مو انتي تبين تستانسين دقي عليه

رغد بعد الترجي ذأإ وافقت : أوكي بس وش اقوله

عهود: قولي ابغى مفتاح السياره واذا قال ليش قولي بس

رغد: اوكي ..(ودقت عليه)وكانت حاطه على سبيكر

فهد: هلا والله ..هلا وغلا

رغد: أإحـم عندي البنات وحاطه على سبيكر

رهف : ليش قلتي كذأإ بسمع اخوي وهو يدلع حبيبته

فهد بدلع: اآه يالعوبا ماتستحين ..هاه وش بغيتي رغودتي

رغد ارتبكت قعدت تمتم : اا اب ابغى مفتااح ..(وسكتت)

فهد: مفتاح ايش ..؟

عهود تضرب كتف رغد : قولي

رغد تعورت وماحست بنفسها : اي يعور

فهد يمثل بعصبيه : ميين اللي ضرب حبيبتي

البنات فقعو ضحك : هههههههه هههههههههـأأإأإي

رغد: محد ..المهم ابغى مفتاح سيارتك

فهد باستغراب : وليش

رغد: بس ..(والغت السبيكر)

فهد: الغيتي السبيكر

رغد: ايه

فهد: خلاص طيب وشلون بتاخذينه

رغد: اعطه اسامه ولا راكان

فهد: لا تعالي انتي خوذيه

رغد: ولا والله

فهد: لو اخوك مو موجود كان انا عندكم

رغد: طييب ارسله مع اسامه

فهد بخوف: لا لا اسامه ملقوف واخاف يعرف شي ويفضح فيني بعطيه راكان

رغد: اوكي باي

فهد: باي (وسكر)

ريناد: وش بتسوين عهود بالسياره

عهود: بعدين تشوفون

رغد: اوكي

وجاء راكان واعطاهم المفتاح وراح

عهود: بنات انا بروح لجهة السيارات وجايتكم بعد دقائق

البنات بستغراب: اوكي

و جتهم بسياره فهد تسوقها

رغد: بنات شوفوا اختكم تسوق سياره فهد

ريم : ياحظها ماشاء الله تعرف تسوق

وقفت عهود السياره قدام البنات والبنات قدامهم البحر..ونزلت عهود

عهود: هاه وش رايكم

رغد: من متى وانتي تعرفين تسوقين

عهود: ههههه من يوم انا صغيره

رهف: بسم الله وحنا ماندري

ريناد: ابغى اخذ عندك دوره سياقه

همس: آآخ بس لو يسمحون للمراءه بسياقه السياره في السعوديه كان انا اول من يسوق بعد ذا القرار

عهود: ههههه كان تلقين شركه stc رابحه فلوس ومافيه شي اسمه هنود بالسعوديه كان الشباب السعوديين اللي يعبون لنا البانزين ويجيك رقمه مع البانزين مجانا

البنات : هههههههههه

عهود: وكان كل يوم حادث ومعاض السيارت رابحه و الاشارة خمس سبع مرات تشتغل وتطفي وانتي لحد الان ماتحركتي من مكانك هههههه

رغد: صاادقه ..بس حلات البنت بنعومتها مو تسوق سياره ..طقي لك سياره فخمه واشتري لك سواق يجيبك ويوديك

عهود: ماعلينا يله برقص لكم رقص شباب

ودخلت السياره وشغلت اغاني وحطت الصصوت اخر حد ونزلت من السياره وقعدت ترقص رقصت السامبا ورقصت استهبال والبنات متسدحين ضحك علي شكلها

رغد: والله الي يشوفك يحسبك ولد هههههه

عهود كملت استهبالها والبنات طايحين فوق بعض من الضحك وتعبت عهود وجلست بالسياره والسياره مفتوح بابها

رغد: عهود ابغى رقمك

عهود : موحافظته و جوالي مو معي نسيته بالبيت

رغد: اوكي معي قلم بس ابغى ورقه عشان اكتب لك رقمي

عهود : اوكي بس اشوف بسياره فهد يمكن فيها ورقه

على طلعت فيصل من الملعب وكان يبغى يشرب ماء ..وشاف البنات وقدامهم سياره وطاحت عينه على شاب وعصب

ونزلت عهود من السياره وكانت لحد الان متلثمه ومعها ورقه من سياره فهد واعطتها رغد

فيصل انقهر لما شاف ولد يرقم اخته ومشغل اغاني

و في اللحظه هذي عهود رفعت يدها ودفت كتف رغد : يله رغد ارقصي

رغد : لا ماابي

فيصل عصب ولد يرقم اخته ويتحرش فيها وبسرعه اتجهه لمهم وقرب الين ماصار وجه فيصل في وجه عهود وكانت متلثمه

رغد مستغربه ومصدومه اخوها فيصل عند البنات ونست ان عهود كانت لابسه ثوب وجايه بسياره فهد

فيصل حده معصب وقلب وجهه احمر ..عهود تطالع لعيون فيصل وهي خايفه ماتدري ليش يطالع لها او ليش جاي عند البنات

سمعت صوت قوي بصراخ و نبره صوته مليانه عصبيه

فيصل بعصبيه وشاد على اسنانه: من انت ..؟!

عهود خافت وعيونها دمعت من الخوف والعبره خانقتها والبنات شوي ويضحكون بس خايفين

عهود خافت وماقدرت تتكلم من الخوف رفعت الثوب وركضت هاربه بس ماامداها كان فيصل اسرع منها

فيصل ركض وراها ومسكها وعطاها بقس على خشمها ومن قوه البقس طاحت على الارض وخشمها ينزف دم




سوري حسيت انه قصير من الحمااس الزايد اللي فيني

^^ ارائكم + تقييم


نزلته لعيون روز

شكرراً صرراحه الرواايه حمماس 

يلا الححين نبي البارت التاسع

الـبـارت الـتـاسـع ^^




عهود خافت وماقدرت تتكلم من الخوف رفعت الثوب وركضت هاربه بس ماامداها كان فيصل اسرع منها

فيصل ركض وراها ومسكها وعطاها بقس على خشمها ومن قوه البقس طاحت على الارض وخشمها ينزف دم

حاولت تهرب بس ماقدرت من قوه الالم فيصل عرف انها بتهرب وجلس فوقها وعهود دموعها اربع اربع

فيصل جلس فوقها بس موكل ثقله عليها لا على الارض وسحب الشماغ
فيصل :-_-" o.O

وسحب الشماغ منها وطلع شعرها وطلع وجهها وكان خشمها ينزف دم
وانصدم فيصل من اللي يشوفه بنت قدامه مو ولد .؟!.؟! o.O -_-"
البنات تسدحو ضحك على شكل فيصل وعهود
رغد خافت وراحت عند فيصل ودفته مع كتفه : قم عن البنت هذي اخت فهد مو ولد ..(وطيح نفسه فيصل وجلس جنب عهود مصدوم )
عهود مصدومه من اللي صار لها ....وفيصل مصدوم من اللي يشوفه وقام يمشي عند البحر
ورغد قومت عهود عن التراب وتنفض ملابسها
والبنات متسدحين ضحك على اللي صار
فيصل جلس عند البحر والبنات يطالعون له وهو جالس ولام رجوله لصدره و حاط راسه على ركبته (من بين رجوله)

رغد خافت على عهود خشمها ينزف دم مو سهل اللي صار لها ..ودخلت سياره فهد وسكرت المسجل وجابت كرتون منديل(كلينيكس)واعطته عهود

عهود خافت على فيصل حست فيه شي وتلثمت وراحت له والبنات مصدومين وبنفس الوقت مستغربين منها وش بتسوي بتذبحه ولا ايش
عهود ودموعها تنزل وشهقاتها ماليه االمكان
فيصل سمع شهقاتها ورفع راسه ولقى البنت لابسه الثوب ومتلثمه وانصدم
عهود: لاتخاف ماصار لي شي بس شويه نزيف بخشمي ويروح..وعلى فكره اختك مو من النوع هذا ولاتشوه صورتها بتفكيرك السلبي (ولفت تمشي متجهه لرغد وضمتها وتبكي)
وفكت اللثمه تمسح خشمها بالمناديل
رغد : فيصل خذ سياره فهد وحطها بالمواقف
وقام فيصل ودخل سياره فهد و وحطاها بالمواقف واخذ المفتاح والملعب كانوا الشباب يلعبون ماعدا فهد تعب وراح للمجلس
ودخل فيصل المجلس وهو لحد الان مصدوم من اللي صار واعطى فهد المفتاح
فهد مصدوم ويقول بقلبه(ياويلي لايكون عرف ان رغد هي طلبت المفتاح لا لا بس ليش وجهه كذا يمكن مريض لا لا اكيد صاير شي اف وش فيني قاعد افاول على الولد)
وطاحت عين فهد على يد فيصل :سلامات وش فيها يدك فيها دم
فيصل : وين
فهد: لا هنا نقطه دم
فيصل مسحها بسرعه :لا مافيها شي
فهد مشى السالفه وماحسب فيه شي
ـــــــــــــــــــــــــ ـــــــــــــــــــــــــ ــــــــــــــــــ
عهود دخلت الشاليه وعلى طول اتجهة لغرفه الملابس حقت الشباب ورجعت الثوب والشماغ بالشنطه
ومرت عهود بالصاله عشان تروح للمغاسل وتغسل وجهها وشافوها الحريم وانخرعوا
العنود الي هي ام فهد :وش فيها عهود
عهود: لا مافيني شي
الهنوف:وش فيها اختي عهود
رغد بخوف: لامافيها شي
ورهف وهمس وريناد وريم متسدحين ضحك بس عهود حلفتهم وامنتهم انهم مايعلمون احد حتى امها مايعلمونها
الهنوف: وش فيكم تضحكون
البنات : لا ولاشي مانضحك ...رواحو جلسوا بالصاله ياكلون حلا
ورغد تغسل وجه عهود وتعطيها مناديل وتحط ثلج عشان يوقف النزيف بس ماوقف
ام فهد خافت ودقت على فهد :الو فهد
فهد كان بجمبه فيصل ..وفيصل شك ان البنت فيها شي
فهد: هلا يمه
ام فهد: ابغاك تودي عهود للمستشفى
فهد بستغراب: ليش اوديها للمستشفى
ام فهد: مادري خشمها ينزف
فهد: دايم ينزف خشمها مو اول مره
فيصل خاف على البنت لانه هو اللي سوى فيها كذا بس مابيده شي
فجاءه فهد سمع ضحك البنات
فهد : من اللي يضحك
ام فهد: ماادري البنات يضحكون لهم ساعه على عهود
فهد مفهي: ليش يضحكون على عهود
ام فهد عصبت: ماادري بتوديها ولا لا
فهد: يمه مو لازم بيوقف بعد شوي
ام فهد : ماراح يوقف مدري ليش
فهد: شوفي اذا ماوقف انا بعد شوي بوديها
ريم اخذت الجوال من امها وفقعت ضحك بااذن فهد ..فهد انخرع وهو مايدري وش ضغط
فهد ضغط على السبيكر وهو مايدري
ريم: فهد اختي عهود انكسر خشمها ههههههههههههههه كــــــــاآأإأآأإآأإكـ (وقعدت تضحك)
فيصل سمع لانه كان على السبيكر
فهد: الله يفشلك انقلعي ..وسكر بوجهها وجلس يضحك على خبال خواته
فيصل خاف على البنت وعرف ان اسمها عهود
فيصل: خلاص انا بوديهم المستشفى
فهد استحى ان الولد بيودي اهله : لا خلاص انا بوديهم
فيصل بااصرار: اقول خلاص والله ماتوديهم انا اوديهم
فهد استحى: دامك حلفت خلاص على راحتك بس بتوديهم على سيارتي
فيصل :يووه عندي سياره
فهد: لاعشان ماتتوصخ سيارتك
فيصل: طيب خلاص ..واعطاه المفتاح وراح بسرعه للمواقف وركب سيارة فهد وشغلها وعدل السياره ودق على فهد
فيصل : قل لهم يطلعون
فهد: طيب
ودق فهد على امه :الو يمه عطيني عهود
عهود: هلا
فهد: يله اطلعي بتروحين المستشفى
عهود استغربت ليش ماقال بوديك للمستشفى:طيب (وسكرت)

ولبست عبايتها وتلثمت ..ورغد لبست عبايتها وتنقبت ..وام فهد كانت بتروح بس رغد قالت لها انا بروح معها ومافيها شي
عهود تطمنت يوم شافت سياره فهد اخواها وفتحت الباب اللي بجمب السائق
وفيصل منصدم يحسب عادي اخواته يجلسون بجمب ولد غريب
ورغد جلست ورى يعني العكس =)
عهود شكت من ريحه العطر الرجالي ولفت ولقت نفس وجه الولد اللي ضربها وانصدمت ورغد انصدمت على بالها انه فهد اللي قدام
ونزلت عهود من السياره مصدومه وخانقتها العبره ..ونزلت رغد عشان تجلس قدام وشافت عهود تشاهق ودموعها نزلت
رغد : يله اركبي
عهود: ماابغى ماراح اركب
رغد :يله بلا دلع
وركبت عهود ورى ..وراحت رغد وسكرت الباب اللي بجمب السائق وركبت ورى مع عهود ضامتها وتهديها
رغد: خلاص ماصار الا كل خير
فيصل تقطع قلبه على شكل عهود وندمان انه سوى فيها كذا بس هو ماكان قصده لانه يحسبها ولد
رغد تضحك : ههههههه

فيصل : وش فيك سلامات ..مووقته هضحك

رغد: هه لابس ضحكت على اشكالنا اللي مفروض انا قدام وهي ورى وصار العكس ههههههههه
فيصل جلس يضحك على كلام اخته وبعده ضحكت عهود لانها تذكرت شكلها وسكتت حست بنفسها وكان فيصل مسرع
رغد: شوي شوي لاتسرع
فيصل: انشاء الله ..
فيصل قعد يطالع للمرايه الاماميه وشاف عيون عهود ..وانتبتهت عهود ان احد يطالع لها وجت عينهاعلى المرايه وشافت عيون فيصل

فيصل يوم شافها تطالع له وخر عيونه وغير اتجاه المرايه الاماميه
ووصل للمستشفى ونزل بسرعه ونزلت رغد وبعدها عهود ولحد الان النزيف ماوقف
وعهود خايفه انها تنقص كميه دم كبيره
ودخلت عهود على الدكتور عشان يشوف حالتها ودخلت معها رغد
وفيصل جالس على الكراسي ينتظر متى تطلع.. وكان رافع رجوله وظامها لصدره وحاط راسه على ركبته (على رجلينه)
وبعد دقايق طلعت عهود ورغد و هو ماحس
عهود: بروح للكافتيريا
رغد : اوك بس الله يرجك سويتي اجراام في اخوي شوفي حالته
عهود: قلت له مافيني شي بس ضميره مأنبه

رغد : على طاري انك قلتيله ..يوم رحتي عنده بالبحر وش قلتي له
عهود: (وقالت لرغد وش قالت لااخوها)
رغد: ههههه الله يرجك عليك جراءه ههههه
وراحت عهود للكافيتيريا وشرت ثلاثه كابتشينو
رغد: من له الثالث
عهود: لفيصل
رغد: وش دراك با اسمه

عهود:يوم هو يضربني انتي قلتي اسمه وعادي يعتبر ضيف وعيب يجلس بدون ضيافه ههههه
رغد: الله يرجك ههههههه
عهود: خليك هنا لاتتحركين
رغد: اوك
وراحت عهود متجهه لفيصل وشكله كان يقطع القلب
عهود: فيصل
رفع راسه فيصل ولقى عهود ماده يدها تعطيه كابتشينو ومع ذالك منصدم منها : لا شكرا
عهود نست نفسها تحسبه واحد من اخوانها: خذ بلا دلع
فيصل خذاه منها وضحك على كلامها
استوعبت اللي قالته عهود لانها نست نفسها : اسفه نسيت نفسي احسبك واحد من اخواني ..وراحت لرغد
رغد مستغربه : ليش ما جاء
عهود: مدري
رغد تغمز لها : انتي قايلت له شي
عهود: لا بس قلت له كذاأإ (قالت لها اللي قالته لاخوها)
رغد: هههه قاطه الميانه بقوه هههههههه
واتجهت لااخوها:اقول ماودك تمشي ترا امها خايفه عليها بنروح نطمنها
فيصل :رغوود وش قال الدكتورعنها يعني سئلها ليش نزف دم
رغد بتخوف اخوها: ايه قلت واحد ضربها
فيصل: يا النذله
رغد: لا اكذب ماقلت شي عهود قالت صبخت بالباب (صقعت بالباب)
فيصل تقطع ضحك: هههههههه لهدرجه حولا
رغد تضرب كتف فيصل بخفيف: حدك عاد عليها ويله تاخرنا
وقام وركبو السياره وراحوا لشاليه
ودخلت عهود ورغد قسم النساء وفيصل دخل قسم الرجال ودخل المجلس
_____________________________
مجلس الرجال

فهد :ليش خشمها نزف دم .؟!
فيصل : تقول رغد صقعت بالباب ماانتبهت له
فهد: ههههههه حولا الباب وش كبره ماانتبهت له ..البنات تجيهم طلعات والله المستعان
فيصل : هههه
فهد: ولا اخواتي اخذوا الجوال من امي يقولون خشمها انكسر..يلعن صوتهم اطول من صوتي ..مدري وشلون امي متحملتهم

فيصل: هههههه الله يخليهم لك

فهد بخوف: لا لا مو لي الله يخليهم لاامي وابوي مو انا ابوهم .. انا متبري منهم من زماان مااعترف فيهم بس عهود والهنوف هم اللي اعترف فيهم

وجاء وقت العشاء
وتعشو الرجال وتعشوا الحريم وجاء وقت النوم وكل واحد بدل ملابسه من الحريم والرجال وناموا في الشاليه




وانشاء الله يعجبكم البارت بس البارتات الجايه بتكون حماسيه واحلى من كذا بكثييير وطويله لان الحين ماعندي وقت اكتب البارتات

ردود + تقييم

لعيون روز بس

يييسلمو ررغوده صراحه من الحماس ما نمت هههع

فدیتگ رغد الروایه خقققققققققه اهنیگ واشجعگ

مشكورين يسلمو

الـبـارت الـعـاشـر ^^




.....اليوم التاسع.....
في صباح اليوم التاسع الساعه ثمانيه الصبح

رغد بتا أفف: اف بنات قوموا خلاص بسكم نوم
ريم: رغد حرام عليك بنام لو دقيقه
رغد: قومي ريمو ولا دقيقه يله ريناد ..ريم ..عهود ..ورهف وهمس ..قومو خلاص بسكم نوم الساعه ثمانيه
ريناد: حتى الناس ماخليتيهم يرتاحون
عهود وتوها تقوم : لاحشى تعبنا راحه ..يله قومو
رغد : لبى قلبك يالبى خشمك فديييت ذأإ الوجه انا
رهف: من صباح الله خير يتغزلون ببعض
عهود: جاهزه لشماته..بكيفي لبى رورو والبطن اللي ضمها ..والبطن اللي شالها تسع شهور ..وهـ بس
رغد: يالبى القمر اللي قدامي و الوجيه السنعه عندي واقابل الوجيه الودره (الخايسه)..امشي يالبى دودي
عهود: هههه لبى قلبك مدري وش اقول خانني التعبير
رغد: يله باي بنات بنطلع انا وعهود نفطر سويت فطور احسن من فطور الخدم عند البحر واللي ماتلحق ترى مافيه فطور
ريم : لا ياهوووه انتظروني
همس: وانا بعد
رهف : وانا وانا بعد يله ريناد تعالي بسرعه
عهود ترمي المخاد (الخوداديات) هي ورغد عليهم
وراحت عهود تغسل وجهها وبدلت ملابسها
وطلعو رغد وعهود برى الشاليه جهت البحر
عهود:وش ذي الكشخه الطاوله والحركات وكرسيين وفطور.. اثاري محسوب لي حسااب
رغد: أكيييييد
عهود: بس متى امداك تسوين كل ذا
رغد: انا سويت الفطور وقلت للخدم يحطونه برى وبس
عهود: يالبى قلبك كان قلتيلهم هم اللي يسونه
رغد: لاوش دعوه عادي ..يله سمي
وبدوا ياكلون وجو البنات
رهف وريم وريناد وهمس: ليش تاكلون وحنا مااكلنا شي
رغد: شلمطلوب
رهف: ليش ماسويتو لنا حساب
عهود: طيب روحوا وقولي للخدم
رغد: لا انا قايله لهم يسوون لكم فطور قبل لااصحيكم..ادخلوا المطبخ السفره جاهزه لكم عاد قولوا لهم باي مكان تبون تفطرون
رهف: ماشاء الله ماقصرتي وانا اقول ليش اختي عهود من صباح الله خير تتغزل فيك
همس: بس متى امداك تلبسين وتتكشخين وتغسلين وجهك وتسوين الفطور وتقولين للخدم ويحطونه هنا وتقولين لهم يسوون لنا فطور و تصحينا .. حشى ديك مو بنت
عهود: قولي ماشاء الله
همس: لاتخافين عيني مو حاره
عهود: طيب قولي ماشاء الله
همس: قلتها مشوين ..هاه ماشاء الله ارتحتي
رغد: ههههه
عهود: ايه بعد اخاف تصكينها عين عشان اقرب جزمه على عينك
رغد: ههههههههههه
همس: طيب اعصابك =(
ريناد: يله بنات بنروح نفطر ..مراأإآ جوعانه
وراحوا يفطرون داخل الشاليه
عهود: ودي استهبل اليوم
رغد: استهبلي وش وراك اليوم اخر يوم
عهود: لا يمه اخاف يجيني بوقس ثاني يفقع عيني
رغد: ههههههه
عهود: امم لا خلااص ماابي استهبل ابغى اسبح بالبحر

رغد: يله دام الشباب نايمين
عهود: بس وش اللي بيضمن لنا
رغد: نروح جهت الرجال ونشوف احد قايم ولا لا
عهود: صح بس هلمره ماراح البس ثوب اخاف اخواني يكسروني يحسبوني حرامي ولا شي
رغد: هههه لا نلبس العبايه ونتلثم ونشوف

عهود: اوكي
عهود كانت لابسه تي شيرت وبرموده..ورغد لابسه تيشيرت علاقي و شورت(بلوزه علاقي)
رغد: يله نروح وتلثمت
عهود: اوكي ..وتلثمت
________________
ريناد وريم ورهف وهمس والهنوف بالصاله يفطرون ويطالعون التلفزيون
والحريم نايمين
والرجال ..ماندري <<نيااهااهااهاا

نروح عند المجرمات رغد وعهود
___________________
رغد وعهود دخلوا قسم الرجال ويمشون شوي شوي من الخوف

كل وحده عاضه على شفايفها من الخوف <<محد حدكم
خايفين احد يكون قايم ...
وفتحوا غرفه الملابس محد فيه وسكروا الباب شوي شوي
وفتحوا الغرف كلها مافيها احد وباقي اخر غرفتين
وفتحوا باب الغرفه الاولى شوي شوي
o.O ="(

يله عطيتكم وجه ههههه لا ادري مره قصييير لاتخافون اليوم بنزل بارتين
توقعاتكم:

احد مسكهم من الشباب ..؟؟

احد مسكهم من الشباب وكفخهم ..؟؟

تتوقعون يوم يفتحون الباب واحد من وراهم يضحك على اشكالهم..؟؟

تتوقعون يوم يفتحون الباب واحد من وراهم صرخ عليهم..؟؟
او مافي كلام على طول كف او كفين يعدل وجيهم السنعه..؟

ابي ردود سنعه مو بس تقرون وماتردون هههععع

مشكورين على الردود الاولى

يلا اقرو وابي حماس هههع

ننبي البارت١١

البارت الحادي عشر ^^





وفتحو باب الغرفه الاولى شوي شوي اثريها غرف الشياب (الرجال)
وسكروها شوي شوي عشان مايطلع صوت ...
وفتحوا الغرفه الثانيه الى هي اخر غرفه ...
فتحت عهود الباب وطاح علبه كوكو كولا قزاز كانت العلبه ورى الباب وطلعت صوت :طااااخ
عهود خافت من الشباب ان واحد يقوم منهم تتكلم بصوت واطي: اخواني نومهم ثقيل واخوانك ..؟
رغد: لالا تخافين نومهم ثقيل سكري الباب نايمين ماراح يحسون ..وسكروا الباب
واتجهوا لقسم النساء وفصخوا عباياتهم بالصاله وقعدوا يركضون متجهين لغرفه الملابس واخذوا الفوط (المنشفه) وطلعوا ركض
وحطوا فوطهم فوق الطاوله وسبحوا بالبحر وضحك ونااسه
عهود: استني طفشت بروح اجيب شغله واجي
وراحت للملعب ركض واخذت الكورة وراحت لصاله ركض وكلها موياء
عهود بااعلى صوت: بنات هياا بناا اللي تبي تسبح تجي
البنات كل وحده فوق الثانيه واتجهوا لغرف الملابس وكل وحده تطلع لها فوطه (منشفه) وطلعوا ركض للبحر
وحطوا فوطهم على الطاوله وسبحوا ويلعبون بالكورة بوسط البحر

....واخذهم اللعب وماحسو بالوقت وقاموا الحريم والرجال الساعه تسع وافطروا الحريم ..والرجال توهم قايمين

والبنات لحد الان يسبحون
نروح لقسم الرجال
____________________________
...قسم الرجال ...
ابو فهد: فهد روح لقسم النساء وقلهم يجيبون الفطور
رعد احترام لااخوه : لا خلك انا بروح
فهد يقول بقلبه ( ماصدقت على الله اني بروح لقسم النساء وتجي تخرب علي ) : لا ابوي قالي انا
رعد : ههه خلاص بكيفك انا قلت اريحك
نروح قسم النساء
________________________
..في قسم النساء..
وراح فهد لقسم النساء بس التفت وشاف ملاك واقف عند البحر
البنات كانوا يسبحون اول ماشافوا فهد غطسوا (غاصوا بالموياء) يحسبونه رجال
بس رغد كانت واقفه وكان فهد وراها يعني ماتشوفه معطيته ظهرها والمويه توصل لحد خصرها
وهي لابسه بلوزه علاقي وشورت قصير وكانت رافعه شعرها ..
فهد مفهي واقف يطالع ماكمل طريقه ويقول بقلبه ( من ذي البنت ماشاء الله ملاك مو بنت وباين وجهها حلو بس معطيتني ظهرها بس مين هي)
البنات ماقدروا خلص الاكسجين وطلعوا روسهم ويطالعون ولحد الان الرجال يطالع لهم وغطسوا مره ثانيه
وفهد مفهي ومنصدم( وش سالفت البنت اللي واقفه وليش ماتسبح معهم مثل الخبوول اللي معها مره طالعين ومره داخلين لحسوا مخي )
وطلعوا البنات واخذوا اكسجين وغطسوا مره ثانيه
وفهد مفهي ( ايه يمكن جايبين لهم مدربه ومعاقبتهم ؟!.؟!) << مدربه وشاليه ؟!
وخلص اكسجينهم وطلعوا واخذوا اكسجين وغطسوا مره ثانيه
وفهد ميت ضحك مايدري وش السالفه يحسب اللي واقفه مدربه تعاقبهم
رغد انقهرت وبااعلى صوت: وش فيكم قلبتو سمك ؟؟!!
فهد سمع كلامها لان كان صوتها عالي ..وبااعلى صوت : كــأإأإآأإآأإآأإكـ ههههههههههههههأإأإأي
رغد شهقت وبنفس الوقت لفت بس على لفتها ماشافت اللي كان يضحك وكان تحتها حجر املس مرا ناعم وكان عليه طحالب ويزلق ولفت بقوه وطاحت
البنات شافوها وشافوا الرجال عرفوا انه فهد لان كلهم خواته ما عدا ريناد وصرخوا لان رغد طاحت ولا قامت
فهد انخرع من اصواتهم كان بيروح بس وقف زي الصنم بيشوف وش السالفه
سمع صراخ همس وهي تقول: رغـــــــــــــد ماأإأإتت ررغدد مااتت
فهد خاف وفصخ الثوب وفصخ نعوله على طول وقعد يركض متجهه للبنات وشال رغد وطلعها برى الموياء
وحطها على التراب مسدوحه وقعد يشوف نبضها ..وشافها ماتتنفس قعد يحاول يالضغط وسواء لها تنفس اصطناعي
..ورجع لها النفس ..
وقعدت تكح وتطلع الموياء من فمها
وحطوا البنات الفوط فوقها وعلى جسمها لانها ماكانت تدري ان بيصير كذاا و فهد مستحي وهو يشوفها بهذي الحاله عشان كذا البنات غطوها بالفوط
وشالوها البنات وسدحوها بالصاله
وفهد بعد ماشافها عرف انها رغد
ام فيصل بخوف: وش فيها بنتي
عهود: لا ياخالتي مافيها شي
ام فيصل ماتطمنت ابد: اجل ليش حالتها كذا
عهود: لا كنا نسبح وداخت شوي
الهنوف تهدي ام فيصل : مافيها شي بس دوخه
ام فيصل بخوف: ليش وش فيها يعورها شي
عهود تهدي ام فيصل :لا خالتي مافيها شي بس يمكن عشان انها ماافطرت زين وراحت تسبح بالبحر خلاص تطمني مافيها شي
الهنوف: البنت قدامك مافيها شي واذا بتتاكدين اذا صحت اسئليها

وشالوها البنات وحطوها بغرفه من غرف النوم اللي بشاليه
وقامت رغد بعد ربع ساعه وشافت حالتها حاله
رغد : وش جيبني بغرفه النوم ...

عهود متسدحه فوق السرير من الضحك:هههههههههه
رغد: مااذكر اني كنت هناأإ؟!
رغد تحاول تتذكر: اخر مره سمعت ماادري بس اذكر ايه اذكر اني كنت واقفه وانتو تغطسون وتطلعون بسس قلت شي انا وسمعت صوت ولد يضحك!!
عهود: ههههههههه وش عليك.. لو البنات هناأإ بينشبون بحلقك
رغد بستغراب : ليش
عهود: ولك عين تسوين نفسك بريئه مسويه فلم هندي بالبحر انتي وفهد ههههههه
رغد : يووه فهميني ليش وش صار واللي كان يضحك على كلامي فهد..؟!
عهود: ايه والسالفه انك انزلقتي من الحجر اللي تحتك وغرقتي واغمى عليك
عهود تكمل: واختي الخبله همس تفاول عليك تقول رغد ماتت رغد ماتت ..
عهود: عاد فهد ماصدق كان صنم مصدوم حبيبته ماتت جااك طيرااان ..انا ماادري وشلون امداه ماشاء الله فصخ ثوبه ونعاله وشالك وحطك على التراب

رغد قاطعتها : يمه وانا بذي الحاله وانا لابسه عاري ليش ماغطيتوني
عهود: عداك العيب انا غطيتك بالفوط استحيت ههههههه
رغد تطالع عهود يعني كملي السالفه فيها إن واخواتها : -_-"
عهود: بس قبل ماحطينا وشافك ماتتنسفين قاعد يحاول بضغط اليد ومانفع وانخرع وعلى طول تنفس صناعي
رغد متقرفه وتمسح شفايفها : يع لا مسستحيييل وع لا اموت ومايسويها ووووع ع ع ع لا وووععععع
عهود متسحده ضحك : هههههههه انتي ماشفت وجه خواتي الخبول كل وحده فاتحه فمها ومفهيه ههههههههاأإأإأإي
رغد تضرب عهود بالمخده : انقلعي
عهود : ههههه عاد ياويلك من لسانهم مارح يتركونك سوال ورى سوال وسوال ورى سوال
رغد: بس تعالي امي تدري
عهود: لا بس قلت لها انك دختي عشان ماافطرتي زين وسبحتي
رغد: اهاا اشوى لبى قلبك عندك اعذار تفتح النفس (وضمت عهود )
على دخلت البنات الهنوف وريناد ورهف وريم وهمس
عهود: جاااأإأإك الموت ياتارك الصلاة
رغد بصوت خفيف : لاتخوفيني زياده
عهود: وين اخوفك والخوف بكبره قدامك شوفي وجيهم كانهم جن
رغد بخوف وبصوت خفيف : شكيت -_-"
الهنوف :سلامتك رماتشوفين شر
رغد: الله يسلمك
رهف : تعالي يا..
وقاطعتها عهود وتشر بيدها : وين تعالي وين تجي بحظنك مثلا يله برى البنت تعبانه اطلعوا برى
الهنوف : يله رغد تبغين شي
رغد: سلامتك
وطلعت الهنوف وراحت تطمن ام فيصل على بنتها رغد
وطلعوا ريم ورهف وهمس ماعدا ريناد تبغى تتطمن على اختها
ريناد: رودي ياألمك شي
رغد: لا قلبؤؤ
ريناد: ترى جوالك ماسكت له ساعه يدق ازعجنا مدري من اللي ليله طويل ويدق
رغد عرفت انه فهد :اهاا طيب وينه
ريناد تطلع جوال رغد من الشنطه وتمده لها : هذا هو
ريناد: انا طالعه عند البنات (وطلعت)
عهود: اخس اخس محد قدك خاايف عليك
رغد بضيقه: مو فااضيه دقي عليه وقولي مافيها شي
..ودقت عهود من جوال رغد ..
فهد بخوف وتكلم بسرعه: هلا رغد تبغين المستشفى
عهود بضحكه: هههههههههه لا الله يخلي سوبر مان انقذها بتنفس صناعي
فهد استحى على كلام اخته الخبله : أيا العوباء ماتستحين هههههه وهي درت
عهود: ههههه ايه تقول ههههه وع وتناقز
فهد : ههههه لو ماسويت كان مايته الحين الله لايقوله طيب ليش داقه وهي وينها
عهود على وجهها مفهيه: هههه لابس قالت دقي عليه وقولي مافيها شي ؟!
فهد بستغراب بقلبه( وليش قالت لعهود تكلمني ) : طيب طيب يله باي انا مشغول (وبسرعه سكر)
عهود: حرام عليك عصب لاانك ماكلمتيه
رغد: مابيني وبينه شي مجرد اخو

عهود بستغراب : صح
رغد بشهقاتها وعهود خايفه ومستغربه من شكلها : رغد فيك شي
رغد وشهقاتها ماليه الغرفه : لامافيني شي
عهود بخوف: يوجعك شي او ياألمك راسك او اي شي
رغد ودموعها تصب وبدت تبكي وتشاقه وشهقاتها ماليه المكان وتضم عهود: دودي الله يخليك بطلع من ذأإ المكان احسني مخنوقه مااقدر اتنفس الله يخليك
عهود بخوف: طيب خلاص خلاص اي مكان تبغينا نروح له
رغد وهي تبكي ومخنوقه وتترجى عهود: اي مكان بس بطلع من هناأإ
عهود :اوكي بدق على السواق ترا السواق بالشاليه البسي عبايتك
رغد: اوكي
..ودقت عهود على السواق وكانت الساعه خمس بالليل ...


انشاء الله يعجبكم بس تكملته بكرى ^^

البارت الثاني عشر ^^





..ودقت عهود على السواق وكانت الساعه خمس بالليل ... ولبست عبايتها...

رغد توها بالغرفه تلبس العبايه
...عهود بالصاله تنتظر رغد تلبس عبايتها وتطلع...
ريم: على وين
وتكمل الجمله
همس:انشاء الله يا
وتكمل الكلمه
رهف توهقت :سوجي
(على وين انشاء الله ياسوجي)
عهود : هههههه سوجي حلوه بس لاتعيدينها
رهف: لاتصرفين جاوبي
عهود: ماابغى
همس: والله ماتطلعين من ذأإ الباب الين ماتقولين وين تروحين
ريم: وانا رجلي على رجلك
همس: وأنـا
رهف: وأنـا
عهود:مااشاء الله كله امه محمد معي لامابقى الا اختي الهنوف خل ناخذها احسن
رهف: خل ولا تفاح
البنات: هههههههههههه
الهنوف بمزح: من قال اني بجلس رجلي على رجلك مافيه طلعه الا وانا معك
عهود: لا والله
الهنوف: هههههه امزح ..دامني اخت سوجي والله ما اخلي ولا وحده تطلع معك بس اللي تبينهم يروحون معك
البنات بزعل : لا خيير <<يعرفون انها ماراح تاخذهم معها
عهود بفرح: يالبى قلبك .. يابعد قلبي انتي..يالبى خشمكـ..فدييييييييييتك
الهنوف: لبى كلك
عهود: ابغاك تروحين معي هنو
الهنوف: سوري خوذي اي وحده من البنات ..خوذي رغد ولا ريناد اختها
عهود: ومن قال اصلنا باخذهم معي
ريناد: لا ماراح اروح بجلس مع البنات خوذي رغد انا مااترك حبيبات قلبي واروح
همس: فديتك
رهف: يابعد قلبي انتي
ريم: ويابعد البطن اللي شالك تسع شهور وه فوديتك
ريناد: هههههه خلاص عااد ماصار شي
عهود: بكيفك ماراح اغصبك بس باخذ رورو معي
..وراحت عهود ودخلت غرفه النوم اللي فيها رغد ..
عهود دخلت ولقت رغد جالسه على السرير وضامها رجولها وتبكي
عهود بخوف: وش فيك
رغد: ماادري احس اني مخنوقه
عهود تقومها: يله السواق برى ..وطلعت برى الغرفه لقت البنات عند الباب
عهود: يوه بعدو عن الباب بطلع
رهف: شوفي الهنوف حلفت اننا مانروح معك بس نقدر نسئل
عهود: هنو شوفيهم
الهنوف: بهذي معهم حق وين رايحه
عهود: رغد تحس انها مخنوقه وحبيت اغير لها الجو
الهنوف: اوكي الباب يوسع جمل
عهود: افهمها طرده
الهنوف: هههههه افهميها مثل ماتبين ههههه
رهف: لاتنسين مري البقاله اشتري لي كاكاو وشوكولاته اللي احبها وبباسي وحلاو و جيبي اكياس بطاطس كثير منها والحركات اللي احبهم
عهود: اوه خلااص ..وطلعت
وركبوا السياره ..
عهود: وين تبغينى نروح
السواق لسى ماتحرك الين ماتقوله عهود وين بيروحون
على طلعت فهد من الشاليه لقى السواق واتجهه له
ويوم وصل طق دريشه(شباك) عهود :طق طق طق
عهود اخترعت من الطق وشافت فهد اخوها وتطمنت وفتحت الدريشه
فهد بستغراب :وين رايحه..( وقعد يطالع للبنت اللي بجمب عهود يحاول يعرفها من عيونها بس ماقدر لانها كانت منزله راسها
عهود: لا بس بنتمشا بالسياره ونمر البقاله البنات يبغون شي ياكلونه وبعد عشان رغد مخنوقه من المكان وقالت بطلع باي مكان اهم شي بتطلع من هنا وتغير جو شوي

رغد رفعت راسها لانها سمعت اسمها وشافت فهد يطالع لها بنظرات حزن وعصبيه ومافهمت على تعابير عيونه

فهد يطالع لعيونها وكانت مليانه دموع وشهقت رغد ذيك الشهقه اللي يسمعها يتقطع قلبها يحس انها شايله هموم الدنيا معها
عهود خافت وضمت رغد ..وفهد متقطع قلبه على شكلها ومو فاهم وشفيها لانها مو راضيه تكلمه
عهود بخوف: رغد وش فيك ..فيك شي ..يألمك شي
ورغد شهقاتها تزود اكثر واكثر : ابغى اطلع من ذأإ المكان بسرعه
وسمعها فهد ولف ورجع لقسم الرجال وقلبه متقطع على شكلها وده يعرف ليش حالتها كذا
عهود تسكر الدريشه حقت السياره : جنكيز روح لمجمع ***
رغد: ههههههههههههههههه
عهود مستغربه: بسم الله انتي تضحكين ولا تبكين.. ماعرفنا لك
رغد: ههههه شسمه
عهود: ههه جنكيز خان
رغد: هههههههه
عهود: الله يرجك تضحكين على اسمه اسكتي لاينزلك الحين
رغدo.O: صدق !!
عهود: تصدقين بسرعه وعلى فكره انتي خوافه ..خليه ينزلك عشان اذبحه
رغهد تتذكر اسمه وترد على عهود: هههههه لبى قلبك
...وصلوا المجمع...

عهود: يله انزلي
رغد بستغراب : لا لا ماابغى المجمع
عهود: اقولك انزلي عااد يوم قطعنا مشوار
رغد: عاادي ماراح انزل
عهود بعصبيه: والله تنزلين
رغد بتا أفف : اف (ونزلت )
وقالت عهود لسواق يجلس بالسياره يعني يخليها بمواقف السيارات ومايروح
ودخلوا المجمع..وقعدوا يفرون بالمجمع ويشوفون البضاعات والملابس .. والخ
عهود: هاه بخاطرك شي
رغد: لا ماابي شي
عهود: صدق ترى عادي
رغد: يابنت الناس ماابغى شي
عهود :اوكي
عهود تدق على صديقتها ساره من جوال الهنوف <<لانها نست جوالها بالبيت
عهود: الو هلا حبيبتي كيفك
ساره : اشتقت لك يالدوبا ..تما وانتي
عهود: بخير دامك بخير..كيف العطله معاك
ساره: ههه تعرفيني اربع وعشرين ساعه بالمجمعات من الزهق طفشت من السفر
عهود: هههههه الحين انتي وين بالبيت
ساره: لا بالمجمع
عهود: اجل خير..انتي وينك
ساره : ليش انتي بالمجمع ..ونااسه اجل ماسافرتوا تلقيني بالمقهى
عهود: ههه يب .. ايه ..اوكي (وسكرت)
رغد بستغراب :مين تكلمين
عهود ورهم متجهين للمقهى : هذي صديقتي ساره توام روحي حافظه رقمها وهي تدري اذا مادقت عليها من جوالي بدق عليها من جوال هنو (الهنوف)
عهود: وهي كبري وتنتظرنا بالمقهى
رغد : لاماابي برجع
عهود: اقوول امشي لااتودس ببطنك موتستحين ردي ومو تصيرين خجوله ترى ماراح تاكلك وتراها غنيه بس مو اغنى منكم
رغد: طيب اعصابك
عهود: ترى اول ماتعرفت عليها كانت كذا بس علمتها الادب معي اذا بتكلمني بحترام بس اذا بتتكلم مع اي بنت غيري تتكبر اما عندي لا عشان اقرب جزمه في فمها
رغد: o.O"
عهود: وبـيـني لها انك بنت نعمه
رغد مااستوعبت من كثر كلام عهود وقالت ببرائه: لا انا مو بنت نعمه انا اسم امي ساره
عهود: -_-" ياليل هذي اللي بتموتني فاضيه تنكتين انا اعني انك غنيه مو اسم امك ..ابوك يالبرائه على الوجه
رغد: ههههههه اهاا سوري مااستوعبت من كثر اللي تقولينه توني افهم
عهود: وعلى فكره وتراها حاطه عينها على فهد بس لاتاخذه منك
رغد ماتدري وش تقول بس ماتبغى تبين انها تحب فهد اخوها: وش اسوي لها بكيفها وماهمتني خل تجبه وش اسويلها
عهود: لا ..يله وصلنا
ساره: اهلين عهود
عهود: اهلين فيك
عهود: اعرفك على رغد عبد العزيز آل...
ساره: والنعم
رغد: ينعم بحالك
عهود: رغد هذي ساره عبدالله آل....
رغد: تشرفت بمعرفتك
ساره : الشرف لي ..تفضلوا اجلسوا
...وجلسوا البنات ...
قعدوا يتكلمون بالمدارس والمجمعات ودخلوا بالشركات
ساره : ابوي توه شاري فوق 40 ارض وفندق و25 بيت للاستثمار وعندنا شركات واشياء كثيره يعني الحمدلله الخير واجد

عهود: انا مو من النوع اللي يشوف وش عندنا واللي ماعندنا بس تعرفين حنا اغنى منكم ورغد اغنى مننا ماشاء الله الخير واجد
ساره بغرور وتخز رغد من فوق لتحت وتتكلم بدلع ومياعه: اهاا وانتي وش عنده ابوك
عهود بكذب بس تبغى تقهر ساره لحد الان ماتعدلت بااسلوبها ووتكلم بدلع: فوق 56 بيت للاستثمار وفوق 34 بيت للاستثمار الواحد يكلف اكثر من مليون لانه كبير مره بس عليه اقبال كثير وثلاث فنادق واراضي واسط للمحلات للبيع وعنده شركات واجد واشياء كثيييره ماشاء الله
رغد مصدومه من كلام عهود : -_-" o.O
ساره بدلع: اهاا ليش ماقالته هي
عهود بتصريف: لانها قالت لي وزهقت من كثر ماتقول لاخواتي وانا
ساره : صح ماقلتوا لي كيف تعرفتوا على بعض
رغد بدلع: جيران
عهود: بنات وش تبغون تشربون
رغد: موكاأإ
ساره: كابتشينو
عهود: واناا موكا
ونادت الجارسون :2moka ....1cappuccino
الجرسون: ok
..وجاهم طلبهم ..
..وقعدوا يتكلمون ودخلو بسوالف ..
وفجاءه ساره بدلع: وانشاء الله بابا قال يمكن يخطبك فهد
عهود انصدمت وبتصرف لانها دايم تسمع الكلام من ساره وانها حاطه عينها على فهد بس ماتستاهل: اهاا
رغد انصدمت مع ان عهود قالت لها بس تحسبها تكذب وعصبت من غرور ساره وبتقهرها وتكلمت بغنج ..ودلعها طبيعي:اهاا لا ماراح يخطبك
سار مستغربه : ليش
رغد بدلع طبيعي بس يقهر اللي بتكلمهم كذا واللي هي ساره بتنقهر اكييد: لانه يحبني وانا احبه وبيخطبني واكييد بوافق دامني احبه (وتخز ساره)
ساره منقهره من طريقه كلام رغد لها ومصدومه طول عمرها تتمناه يتزوجها بس ماصدقت : عهود صدق ذأإ الكلام
عهود وهي ساده ضحكتها : إإيه
رغد بدلعها الطبيعي : انشاء الله تلقين من يحبك وتحبينه
ساره شوي وتبكي ومنقهره: آآمييين
عهود تضحك وتبتسم على كلام رغد وكيف قدرت على ساره بذي السرعه تحطمها مع ان رغد خوافه بس جد عصبت

رغد تقصر صوتها وتتكلم مع عهود يعني ساره ماتسمعهم : ودي اشيل اللثمه عن وجهك مابقى شي كل وجهك طالع والابتسامه شاقه الوجه
عهود بصوت خفيف: لاتكذبين بس عيوني وانا احب اتلثم
ساره : وش تقولون
عهود : يله ساره تااخرنا بنتسوق ونطلع لشاليه فهد ينتظرنا
رغد تتكلم بصوت خفيف : رجعنا لطير يالي
عهود تدفع الحساب كله ومشت مع رغد
عهود: كــاأإأإآأأإآأإآأإكـ شفتي وجهها ودها تذبحك خاصتا يوم قلتي الكلام ولا انا احس الود ودها تقطعني يوم قلت فهد ينتظرنا بالشاليه هههههه
رغد: بس حرام تقطع قلبي عليها
عهود: عادي الحياه حلوه في شباب واجد جت على اخوي
رغد: بس هي صديقتك وتؤم روحك
عهود: كانت ماضي وانتها تؤم روحي مو ذي تؤم روحي اللي معي الي هي انتي
رغد: لبى قلبك خلاص بنرجع
عهود : لا تو الناس
رغد: الوقت بيروح الساعه ست ونص
عهود:عادي تو الناس ..بدري
رغد: بس مايمدينا نمر البقاله (مانقدر )
عهود: يمدي فيه وقت وليش خايفه (نقدر)
رغد: انتي لو تدرين بتموتين علي ضحك
عهود: ليش..عطينا من اللي عندك
رغد:كل صديقاتي يقولون يالدفرا وربي انك خوافاه ...ههه لاني ارجع قبل الفسح تخلص بوقت طويل يعني اكثر سوالفي بالفصل وانا اخاف على مستقبلي من التعهدات
عهود فاطسه ضحك: ههههههه انا فوق 8 تعهدات تأخر الرجوع للفصل بعد الفسحه ..بس اشوف المديره وبعض الاحيان الوكيله اوقع واول مااطلع التفت واشوفها تشقق الورقه وتقطها فا اعيدها لان ماعندهم شخصيه
رغد: يمه وربي اخااف حتى لو تقطعه ..يله بنرجع
عهود:اقوول بعد ساعه نرجع
رغد: لا ماابغى
عهود: ترا كلمه ثاني ازود خلاص صارت ساعه ونص
رغد: لا خلاص بسكت
عهود: هههههه
....وراحوا جهت الالعاب طبعا العاب كبار مو صغار ...
عهود شرت كرت العاب عبته بميه ريال عشان تلعب هي ورغد



التكمله بالبارت 13

ابي ردود

يسلمو ررغد

البارت الرابع عشر^^



رغد بخوف : وش فيك
فهد بالم : مافيني شي آأإخخ بس يدي تنزف ...وسكر
رغد خافت : يله عهود بنحاسب
عهود: طيب تونا قاعد يحاسب الاغراض وش فيك مستعجله
رغد بخوف : لا مافي شي
عهود دفعت الحساب هي ورغد وطلعوا وركبوا السياره والسواق ركب الاغراض بسرعه
رغد: جنكيز بسرعه لشاليه
جنكيز : اوك
عهود: وش صاير
رغد بقلبها ( اقولها ولا لا .. لا مااقولها) :لا ولاشي بس تاخرنا

...ونزلوا رغد تسحب يد عهود : يله بسرعه امشي
عهود: جنكيز دخل اغراض داخل قسم حريم
عهود: وش فيك شوي شوي
رغد بخوف: بسرعه
واتجهت رغد تفكر و حاطه خمسين خيار براسها ( فهد بالمجلس لا مستحيل يكلمني بالطريقه ذي قدام رجال يمكن بالغرفه لا بالحمامات يمكن بالحمامات لان كان فيه شوي صداء )
عهود بستغراب: وين رايحه لقسم الرجال
رغد:ادري بس وين الحمامات الرجاليه
عهود بستغراب : لييش
رغد بعصبيه وخوف: بسرعه
عهود تاشر : هنااك
رغدتركض وتركت عهود عهود تحاول تسبقها بس ماقدرت لان رغد ركضت قبلها ودخلت الحمامات
نقولكم قبل لا تدخل رغد على فهد
فهد بالحمامات جالس ومنقهر من رغد هي تحبه وهو يحبها بس ليش مو فاهمين على بعض او ليش حالتهم صارت كذا مو زي قبل
فهد طايح على الارض ودمه حوالينه وجالس على الارض وماسك الزجاج بيده ومن شده القهر مسكر على الزجاج بيده والدم ينزف اكثر من قبل
فهد بالم وقهر: ليشش يارغد تسوين فيني كذا ليشش
ومسكت قطعه مرايه مكسوره وحاده وجلس يرسم حرفها في كف يده اللي كانت تنزف دم
والارض امتلت كلها دم فهد اللي يشوفه مايقول الدم كله من يدين فهد
نرجع لرغد
دخلت الحمامات رغد مصدومه من اللي تشوفه
فهد وهو بيغمى عليه جالس على الارض والقزاز (وقطع زجاج المرايه) طايحه حوله متناثره من قوه الضربه ودم فهد مالي المكان
فهد بتعب وبصوت خفيف خلاص بيغمى عليه : كلها منك .. كلها منك
رغد بخوف ودموعها تصب وشهقاتها تطلع بصوت عالي : لاا لا تروح فهد ..خلك معي فتح عيونك تكفى (وقعدت تبكي
...و دخلت عهود الحمامات...
عهود انصدمت من المنظر اللي تشوفه قدامها فهد طاايح على الارض والقزاز(الزجاج)والدم ورغد ماسكه يد فهد ومنسدح عليها وهي ضامه راسه والمكان ممتلي بشهقات رغد وبكيها ودموعها
رغد ودموعها تنزل وهي تبكي: لا فهد ..لا تروح ..تكفى خلك معي فتح عيونك
فهد اغمى عليه
عهود منصدمه وماقدرت تتحرك او تتكلم
رغد وهي تبكي: عهوود دقي على الاسعاف
عهود قعدت تبكي وتدق على الاسعاف وتوصف لهم المكان والشاليه
رغد تصااارخ بااعلى صوت وهي تبكي : لاااااا لااااتروح ..كله مني

الرجال سمعوا الصراخ يعني صراخ بنت
رعد: وش ذا ...الصوت قريب
فيصل : ايه صوت بنت
عبدالعزيز: لايكون صاير شي
وقاموا الرجال بسرعه
رعد: الصوت بالحمامات

رغد تبكي : عهووود فهد ماات فهد ماات
ابو فهد انصدم لما سمع كلمت فهد مات ومادخل الحمامات وقف بمكانه خاف يشوف ولده مايت
ودخلوا الشباب ..لقوا بنتين وحده جالسه تبكي والثانيه تبكي وماسكه يد فهد ومنسدح عليها وضامه راسه
رغد ودموعها اللي ماوقفت لحظه : فيصل فهد مااات

فيصل انصدم من شكل فهد اللي يخوف والمكان كله دم واخته تبكي والبنت عهود معها لان عرف وجهها وعيونها وطلع بسرعه مايبي ابو فهد يشوف ولده بذي الحاله

رغد وعهود كانوا كاشفين نسوا انفسهم
وعبدالعزيز ورعد منصدمين ملاك مو بنت تبكي على اخوهم ومنصدمين على شكل اخوهم ومو فاهمين السالفه ابد
عبدالعزيز : عهوود عهوود
عهود ماترد ولا انتبهت ان احد يناديها
عبدالعزيز يهز كتف عهود :عهوود دقيتي على الاسعاف
عهود وهي تبكي : ايه
عبدالعزيز : طيب خلاص قومي ماصار شي وامي لاتدري ..وقوم عهود وقال لراكان يوديها لقسم النساء..

..بس البنت اللي ضامه فهد مايعرفونها ..

..فيصل دخل هو وابو فهد وابو فيصل داخل المجلس يهدون ابو فهد .. فيصل نسى ان اخته بالحمامات وقعد يهدي ابو فهد...

رعد خق يطالع لرغد بعدين يطالع لعبدالعزيز

عبدالعزيز خق عليها يطالع لرعد بعدين يطالع لرغد مايدري مين هذي البنت

رعد يحك راسه بحركه بلشه (توهق) : تعرفها

عبدالعزيز : لا والله انا وجهي اعرف ملاك زي كذاأإ

رعد: مو وقته بس شكلها تعرف فهد ويمكن هي موجوده بالشاليه مع البنات ماتوشفها مع عهود وتعرف اسم اخوي

...تلثم رعد وشالها واتجه لقسم النساء ودخلها على الحريم بالصاله والحريم ...

...والحريم خايفين عهود يدينها دم ..ورغد يدينها و وجها ورقبتها يحسبون فيها شي ...

ام فهد عرفت ان هذا رعد: رعد
رعد: هلا يمه
ام فهد بخوف: وش صاير وش فيها رغد وليش حالتهم كذا
رعد عرف ان اسمها رغد : لا مافيهم شي ...

...وطلع بسرعه...

والحريم خايفين يحاولون يسحبون الكلام من رغد وعهود بس ماقدروا مايتكلمون

واتجهه رعد للحمامات
عبدالعزيز خايف على شكل اخوه بس مو عارف ايش يسوي: هاه طلعت مننا
رعد ضايق صدره من اللي يشوفه : ايه

فيصل تذكر ان اخته بالحمام وراح يركض لم الشباب وفتح باب الحمامات
وفهد لحد الان نفس مكانه بس البنات مو موجودين بس رعد وعبدالعزيز
فيصل بخوف: وين اختي
رعد انصدم انها اخت فيصل وما انتبه يوم رغد تقول لفيصل يافيصل فهد مات : اهاا اختك اللي هنا
فيصل : ايه وينها
رعد: لاتخاف دخلتها قسم الحريم
فيصل : الله يريح قلبك مثل ماريحت قلبي
فيصل مستغرب : طيب شيلوه
رعد: صراحه انا ماافهم بشغلات هذي و ماادري ايش اللي ينزف فيه خل الاسعاف يجي ويشيله

وقعدوا الشباب يمسحون رخام الارضيه بالمناديل لان شكل الارض تخووف ويمسحون يد فهد

..وسمعوا صوت الاسعاف وصلت ودخلوا الشاليه وشالو فهد ركبوا في الاسعاف

رغد سمعت صوت الاسعاف : عهود الاسعاف جاء
عهود :بروح تروحين
رغد: ايه
عهود: يله بسرعه
وتلثمت عهود و رغد تلثمت لان نقابها كله دم
وبعد ماغسلو يدينهم ووجيهم ركبوا مع السواق
عهود بخوف: جنكيز الحق سياره الاسعاف
رعد مستغرب من البنتين اللي ركبوا مع السواق
وركب رعد سيارته عشان يلحق الاسعاف
عبدالعزيز: بروح معك
رعد: يله بسرعه اركب
وركب عبدالعزيز ومشى الاسعاف وبعده السواق وبعده سياره رعد صاروا صف سيارات
عهود: رغد قوليلي ليش حالته كذا وشلون دريتي انه بالحمام او صاير له شي
رغد قالت لها كل اللي دار بينها وبين فهد
عهود: صراحه كان كلمتيه عصب مره بس مو معقوله فهد يسوي كذا اعرف انه يعصب واذكر مره عصب وقلب البيت فوق تحت والحين نسوي اي شي عشان مايعصب بس ماتوقعت انه يسوي بنفسه كذا او عصب وماحس بنفسه انه كسر المرايه

رغد خانقتها العبره: كلها مني ..انا السبب
عهود: لا بس فهد عصبي وانتي تعرفين طبعه

....نروح لقسم الرجال .....
فيصل وابو فيصل بمجلس الرجال يهدون ابو فهد

....قسم النساء....
الحريم خايفين لحد الان مايدرون وش اللي صاير

عهود تذكرت شي: تعالي كنا متغطين ولا كاشفين .؟!
رغد : لا اذكر اننا كاشفين بس على مااضن دخلوا علينا مجموعه شباب بس مااذكر
عهود شهقت : لاتقولين ابوي كان معهم ودخل
رغد : لايا الحولا شباب
عهود: لا تقولين اخوك معهم..؟!
رغد: الا اخواني معهم واخوانك كلهم شافوني يالفشيله توني انتبه لنفسي
عهود: ههه تلقينهم خاقين عليك ماشالوا فهد
رغد : بس اذكر ان ولد تلثم وشالني ..؟!!
عهود: ههههه ايه هذا اخوي رعد وفيه ثاني عبدالعزيز
رغد تحاول تتذكر: على مااضن كأني سمعتهم يحشون فيني وانا قاعده ابكي
عهود: تلقينهم خاقين عليك ومنصدمين ان فهد وحده ملاك خايفه عليه هههههه
رغد: ايه سمعتهم يقول رعد لاخوك عبدالعزيز
______________________
رعد: تعرفها
و قال عبدالعزيز : لا والله انا وجهي اعرف ملاك زي كذا
بس رعد قال : مو وقته الكلام بس شكلها تعرف فهد ..وشكلها من اللي بشاليه وماتشوفها مع عهود وتعرف اسم اخوي
_____________________
رغد:وتلثم وشالني .. ودخلني بالصاله عند الحريم بس هذا اللي اذكر..؟!!!

...........وووصلوا المستشفى .........



تابع الاحداث هذي بالبارت الخامس عشر ^^

تقييم + ردود

البارت الخامس عشر ^^









رغد نزلت بسرعه من السياره وبعدها نزلت عهود

رعد وعبدالعزيز منصدمين ومو فاهمين السالفه ابد بس مفهين مرا ومصدومين يعني وش ذي البنت اللي خايفه على اخوهم

رعد عرف اسمها وعرف انها اخت فيصل بس مايدري وش اللي يقربها لفهد يعني رعد شاك بالسالفه

عبدالعزيز مايعرف اي شي عنها بس يدري انها اخت فيصل ومصدوم من خوفها لاخوه فهد بس مايدري وش اللي يقربها لفهد

...ودخلوا المستشفى...

فهد بغرفه من الغرف نظفوا يده وعقموها

والكل منتظر عند باب الغرفه منتظرين

اللي منهم مايعرف السالفه طبعا الاغلبيه مايعرفون السالفه
ومنهم يقول ايش هي السالفه او ليش فهد سوى كذا او مين البنت هذي وايش دخلها بحيات فهد

والكل منتظر خروج الدكتور من الغرفه

..وبعد نص ساعه تقريبا خرج الدكتور ...

والكل على وجهه علامة استغراب وتعجب وخوف

اتجهت رغد لدكتور بخوف ولهفه: تكفى يادكتور وش فيه فهد
الدكتور: انتي زوجته
رغد كذا مره تسمع ذي الكلمه ومااستغربت : لا اخته
الدكتو:اهاا لا الحمدلله فهد سليم بس ابغى واحد منكم يجي معايا عشان اتكلم معه

والكل آذان صاغيه

وردت رغد بسرعه: أنا يا دكتور
رعد حس انها لهدرجه قريبه لفهد بس ليش قالت اخته: لا انا يادكتور
رغد كانت تناظر رعد وفهمت انه يناظر لها بنظرات تحدي وردت له النظره وتحدته بنظره تحدي:
رغد بعناد وتحدي: وانا
الدكتور : اوكي تعالوا انتوا الاثنين
وراح الدكتور والكل دخل على فهد وكان صاحي
اما رغد ورعد راحوا مع الدكتور
...ودخلوا مكتب الدكتور...
الدكتور: فهد صراحه يمكن عصي مرا بس في شي خلاه يعصب مو معقوله يجرح يده من سبب تافه

رغد لفت وجهها للجدار صدت عن سوال الدكتور

رعد انتبه لهاوانتبه لنظراتها لانها لابسه لثمه وحس بقهر ويقول بقلبه( البنت هذي عندها سر بس وراها وراها والزمن طويل ..او اسئل فهد وش صاير )
رعد بمكر وكان يقصد رغد:والله يادكتور بحاول اسئل راعي السبب وبشوف رده
رغد خافت من نظرات رعد وتهديده وشكت انه يعرف السالفه : عن اذنكم
الدكتور ورعد: اذنك معك
رغد شافت عهود بالاسياب
وراحت لها متروعه: عهود الحقيني
عهود بخوف :وش صاير وش قال الدكتور
رغد: ولاشي بس رعد احس انه يعرف شي
عهود بستغراب: ليش
وقالت رغد لها الحديث اللي دار بينهم
عهود: لا شكله بيعرف السالفه يامنك او يامن فهد
رغد خانقتها العبره : انا السبب
عهود ضمت رغد تهديها: خلاص هدي ماصار شي
رغد كانت ضامه عهود وكانت تبكي
...سكتوا كان هيبه ملك ..او ملك مر من عندهم ...
ووقف كان رعد يناظر رغد بستغراب
ورغد كانت تطالع له بخوف وخبت راسها في حظن عهود من خوفها من اللي بيجيها من رعد
رعد حس بخوفها بس كمل طريقه ودخل على فهد وسلم عليه
رعد : سلامتك
فهد بااحراج من اللي سواه فيهم وفي نفسه: الله يسلمك (ونزل راسه مفتشل)
الكل: الحمدلله على السلامه

وتذكر رغد ورفع راسه يدورها بين البنات بس مالقاها ومالقى اخته عهود

رعد انتبه لنظرات فهد انه جالس يدور: سلامات فهد مين تدور
فهد ابتلش وارتبك وحطها في عهود: اختي
رعد بتركيز : اختك ولا اختك عهود
فهد استغرب بس كانه فهم انه يقصد رغد: لا عهود ليش هي ماجت معكم
رعد: لا جت بس انها برا مع وحده
فهد صد يوم سمع كلمه وحده عرف انها رغد
رعد قالها كاش: أإحـم شباب وبنات ممكن شوي بكلم اخوي بكلمت راس
الكل : حاضر خذ وقتك
...وطعلوا...
فهد تنهد : آآه
رعد: فهد يعورك شي
فهد: لا
رعد: صراحه بفهم ايش السالفه منك ولا منها
فهد انصدم من طريقه كلام عد..الكلام بفمه قاسي و اول مره يكلمه بالطريقه هذي : اي سالفه
رعد: طيب مسوي نفسك بريء وحالتك هذي كله منها
فهد: مالها دخل واصلنا مابيني وبينها شي مجرد اخوان
رعد تطمن من كلام اخوه بس السالفه وراها إن (وراها شي ) :طيب اوكي صدقتك

...دخلت عهود وسلمت على فهد وتحمدت له السلامه وما انصدم انها مادخلت الغرفه ...

فجاءه عهود: تعالي مافيه احد غريب

دخلت رغد وهي خايفه من نظرات رعد لها ولف راسه فهد للجهه الثاني صد عن رغد
رعد بعبط وبمكر وحب يبداء اللعبه معها : صح مافي احد غريب كلنا اخوانك
فهد رفع راسه ولفت يطالع لهم
وكمل رعد بمكر: ولا انا غلطان
رغد ودموعها نازله وشهقاتها طلعت وسمعوها رعد وفهد وعهود
عهود تخز رعد يعني شوي شوي على البنت
فهد مايدري وش اسلالفه اكيييد رعد دخل بالسالفه
ورغد خايفه من رعد لانه ماراح يخلي السالفه تعدي على خير ويسكت

عهود ضمت رغد ...رغد خبت راسها في حظن عهود ..وعهود ضامتها

رعد منصدم (لهدرجه خايفه مني )
فهد لحد الان مو فاهم شي
رغد تبغى تناظر فهد رفعت راسها وتناظر فهد بنظرات حزن مليانه خوف
ولفت عيونها وطاحت عيونها في عيون رعد وهو يطالع لها مستغرب
وخافت وخبت راسها في حضن عهود
عهود: يله استئذن بااي
وطلعت ومعها رغد

رعد فهم نظراتها انها خايفه منه

فهد يقول بقلبه (نظراتها مليانه خوف ..من رعد اكييد مخوفها ولا مهددها بس كانها تقول في نظراتها اني خايفه من اخوك)
رعد: أإحـــم
فهد يطالع له ينتظر متى يتكلم : ...
رعد: تبي تاكل شي او اجيب لك شي
فهد: لا سلامتك
...ودخل عليهم الدكتور ...

الدكتور : اهلين فهد
فهد:هلا دكتور
الدكتور: الامور تمام..؟!
فهد: ايه الحمدلله بس يادكتور انا بطلع اليوم ماابغى اكمل يوم واحد هنا
رعد: لا بتجلس وين تروح ماوراك شي
الدكتور : اوكي ساعتين وبتطلع ..اتفقنا .؟!
فهد: اتفقنا ..مشكور
الدكتور : العفو
فهد: رعد
رعد: سم
فهد: تكفى ابغى كابتشينو من المقهى اللي تحت
رعد: اوكي
...وطلع...
شاف عهود واقفه بجمب رغد

ورغد جالسه على الكرسي وضامه رجولها وحاطه راسها على ركبتها

رعديتكلم بهمس :عهود
عهود: هلا
رعد: انزلي جيبي لفهد كابتشينو
عهود تناظر لرغد اللي كاسره خاطرها وهي بالمستشفى مو حاسه باللي حولها :اوكي

...وراحت....
رعد قعد يتنحنح عند رغد: احم احم
رغد حست بنفسها ورفعت راسها وخافت لفت تناظر وين عهود وتدورها بس مالقتها وخافت زياده
رعد بمزح مع رحمه: لاتخافين ماراح اكلك عهود راحت للمقهى تشتري لفهد
رغد ماقدرت تتكلم
وهو مايدري وش كان بيقولها: أأ تبغين تدخلين عند فهد حياك خذي راحتك
رغد : لا (وعلى طول شهقت شهقه قويه قطعت كلامها اللي كانت بتقوله )
رعد اخترع وخاف فيها شي: فيك شي
رغد تبكي : لا مافيني شي
رعد : متأكده
رغد قامت من الكرسي بعصبيه وهي تبكي وصرخت شوي: خلاااص بعد عني قلت لك مافيني شي

طبعا فهد كان باب غرفته مفتوحه ويشوفهم بس وده يعرف وش السالفه او ايش يقولون

باللحظه هذي جت عهود ....ورغد ضمت عهود وجلست تبكي
رعد مايدري ليش قالت كذا او ليش صرخت في وجهه ولف يناظر لفهد وهو داخل غرفته وشاف فهد وجهه مو مطمن ولف يطالع لعهود
عهود: وش سويت فيها
رغد: ماسوى فيني شي بليييز خلينا نروح تكفيين

عهود: اوكي خلاص هدي ماصار شي
واعطت عهود الكابتشينوا لرعد عشان يعطيه فهد
رعد : o.O

...وراحوا لشاليه وطمنوا الحريم وبعد ساعتين خرج فهد من المستشفى ودفعوا مبلغ المرايه وتعشوا في الشاليه وتبادلوا ارقام بعض...

...وكل واحد راح لبيته بعد ذا التعب وناموا...

ابي ردود سنعه

مشكورين واتمنى تعجبكم الروايه