رواية حياتي تدمرت بسبب نظرت لقافه

السلام عليكم ورحمه الله وبركاته



كيفكم انشاء الله تماأإم...
...دوم يارب تكونون بخير وصحه وسلامه


هذي روايه كتبتها بقلمي وياريت تنال اعجابكم مثل مانالت اعجاب صديقاتي
واللي يبغى ينشرها ينشرها بس بشرط يذكر اسمي

وهم اللي شجعوني انشرها
لبى صقيقتي ( رودي ) وفيه بنات كثيير بس مااقدر اعدد واخاف اقول ناس وانسى و ناس
الروايه رجه +رومنسيه + هستره
والحماس يبداء من البارتات الجايه

v
v
v
وحبيت اكتب كلمات من افكاري واخليها مقدمه لروايتي
وهذي الكلمات
v
v
فجاءه سهيت وانا على درب النفاه.... قرصتني افكاري وصحيت
وفجاءه لقيت ابوالعيون الواسعه اجذبتني..استغفرت ونزلت عيوني
و فجاءه حسيت بالي يناظرني وانا امشي ..واقف كانه سد قدامي
رفعت عيوني لقيته قدامي ..مصدومه ومدهوشه ومو مصدقه من اللي اشوفه قدامي
لفيت ومشيت بطريقي رافعه الراس ...ماهمني من اللي شفته قدامي او وراي

*(مآراح أحلل لـ اي احد يدخل الموضوع ومايرد)*


تبدا الروايه فى مجمع من مجمعات الشرقيه
اول شي بعرفكم على عائله
ام فيصل الام اسمها ساره/ ابو فيصل اسمه :عبد العزيز آل.....
اكبر ولد فيصل :19سنه..عصبي مايعرف امه من ابوه اذا عصب..ورمنسي على الخفيف مو مره ...وحواجبه مرسومه..جماله جمال ربااأإني ..عيونه كبار..بشرته بيضاء..جسمه حلو ومعضل شوي يعني رياضي..له هيبه بين اخوانه واهله.
ـــــــــــــــــــــــــ ـــــــــــــــــــــــــ ـــــــــ
رنيم :17سنه عاقله..عيونها عاديه بس حلوه ..عدسات عيونها مايله على الاخضر ..بشرتها بيضاء ..وشعرها ناعم مو طويل وسط..وجسمها حلو مو نحيفه ولا سمينه وسط ..تحب شي اسمه سباحه او ركوب خيل.. مبتعثه بعثه برى بكندا
ـــــــــــــــــــــــــ ـــــــــــــــــــــــــ ـــــــــ
رغد:16..جريئه ..عيونها كبار ..عدسات عيونها زرقاء..رموشها كثيره..حواجبها مرسومه خقه قليله عليها...جمالها جمال رباني...وجسمها خيال ..عليها خصر مره جنان..نحيفه وبشرتها بـيـضاء..شعرها ناعم زي الحرير اسود طويل يوصل لنص فخذها..ورومنسيه وحبوبه وفيها رجه..وطولها وسط
ـــــــــــــــــــــــــ ـــــــــــــــــــــــــ ـــــــــ
ريناد:15 سنه نحيفه وعيونها كبار خقه مو مثل رغد طبعا رغد احلى خواتها ..بشرتها حنطيه..وفيها رجه مو طبيعيه..وهبال ..شعرها اسود قصير وخجوله ..وقصيره بس مو مره لا قصرها راكب عليها
ـــــــــــــــــــــــــ ـــــــــــــــــــــــــ ـــــــــ
خالد:12سنه وسيم ..مدلل لانه اخر ابن لهم واخر العنقود..شقي ..يحب شي اسمه العاب ضحك وتعليقات ..مزيون..خشمه سلالت السيف ..بشرته بيضاء..وعيونه وساع ..ونحيف..وشعره ناعم طويل
ـــــــــــــــــــــــــ ـــــــــــــــــــــــــ ـــــــــ
في احدى المجمعات ام فيصل اشترت اغراض وملابس هي ورغد وريناد والخادمه والسواق
السواق يدق على ام فيصل:الو مدام انا عند بوابه واحد
ام فيصل: اوكي خلاص الحين برسل لك رغد ومعها الاغراض
السواق: اوك
ام فيصل:يله رغد السواق عند البوابه واحد روحي انتي والاغراض اللي معك
وبعد دقايق اتقضاء يعني اشتري اخر شي ماراح اطول وارسل الخدامه وريناد

رغد بكل تعب:انشاء الله يمه

ام فيصل : تدلين

رغد بضحك وهستره: لاتوشيبا

ام فيصل :تنكتين

رغد ميته ضحك: لا احاول

ام فيصل وهي تخز رغد : اقوووول

رغد بهستره وهبال داريه وش بيصير لا زودتها وتتكلم ببرائه بس هو العكس الصحيح:قولي يمه محد ماسكك

ام فيصل عصبت تفتح الاكياس تدور اقرب جزمه تصكها برغد

(رغد طبعا تعرف امها زين اذا عصبت واخذت الاغراض وهربت)

ام فيصل :فاضيه تنكت

ريناد تضحك على هبالة اختها:ههههههههههههه

ام فيصل:وش فيك تضحكين

ريناد:رغد اخذت الاغراض هههههههه

ام فيصل:ايه انا قايله لها

ريناد متسدحه ضحك موقادره تتكلم:يمه هههه رغد راحت للبوابه خمسه مو واحد

ام فيصل بخوف:يمه بنتي اخاف تركب سياره ثانيه تحسبها السواق ريناد دقي عليها

ريناد تضحك مو قادره تتكلم:الو قلب وين رايحه

رغد :للبوابه

ريناد :رقم كم

رغد بستغراب:واحد

ريناد فاقعه ضحك:واللي انتي عندها رقم ايش

رغد بتعجب:ماادري اضن انها واحد (وتطالع للبوابه طلع رقمها خمسه مو واحد)

ريناد:ياهوووه انتي رايحه للبوابه خمسه يالحولا روحي للبوابه واحد السواق هناك

رغد بعصبيه وهي اصلنا خايفه:طيب اعصابك بعد اطلعي من الجوال واعطيني كف كلها من امي خلتني اركض ولا اشوف اللي قدامي زين اني ماركبت مع احد على بالي سواقنا

ريناد: امي مالها دخل الا كلها من سماجتك

رغد بعصبيه ومره تعبانه ودها اقرب سرير ترمي نفسها عليه:طيب باي

ريناد تضحك:ههه باي

رغد متجهه للبوابه رقم واحد وطلعت برى المجمع تدور السواق مالقته من الزحمه على دخلتها للبوابه الا شاب زاحف دخل معها على اساس انه اخوها ولا حبيبها والسيكورتي
الى عند البوابه رقم واحد على باله انها زوجته ولا اخته انتبهت رغد ان واحد دخل معها وهي للمعلوميه لابسه عبايه كتف ونقاب وتذكرت ان المجمع مايدخله الى العوايل وراحت لسيكورتي
اللي عند البوابه

رغد: لوسمحت ترى ذاك الولد مو من طرفي

السيكورتي بسخريه:شلمطلوب (السيكورتي اسمه فهد)

رغد بعصبيه:المطلوب انك تطرده برى المجمع

فهد(اعجبه كلام البنت واول مره يسمع كلام بنت بالجرائه هذي وحب يزيد السالفه ويطول ):ايوه كملي

رغد (حاولت تقهره مثل ماقهرها): وباين من شكله راعي مشاكل والمجمع للعوايل واذا سواء مشكله وجاء المدير بيهاوشك انت وانا بقوله ترى انا قلتله بس قال بكيفه وانا صراحه ماارضى اشكال زي ذي تدخل بالمجمع

فهد (شوي ويضحك على جرائتها ):اها

رغد وهي تطير عيونها عليه وتخزه تحاول تقهره وتتكلم بغرور :واضن
للمجمع قوانين ومن قوانينه هالاشكال ماتدخل المجمع وهو بس للعوايل

فهد (اعجبه كلام البنت ونظراتها له وان معها حق):ابشري الحين بجيبه ومعك حق

(ورفع الاسلكي ينادي السيكورتي يمسكه وقاله مواصفاته عشان يجيبه)

فهد:وش رايك ارتحتي و ريحتي ملائكتك معاك

رغد نست نفسها انها تكلم رجال ونست السواق اللي له ساعه برى ينتظر :ايه ههههههه
فهد خق على عيونها الزرقاء الى تدوخ الواحد اذا ناظر لها وابتسم بدون مايحس بنفسه ،
رغد تطالع لفهد بااعجاب بالوسامه الى مرسومه وبوجه وجماله جمال رباني يذبح وقعدت تطالع لفهد لابتسامته الى تذوب وتذبح القلب وانتبهت ووخرت الابتسامه

فهد ماشاء الله عليه مسك خط في عالم آخر...

رغد تقول بقلبها(ياليل وش ذا مسك خط بس ابتسامته تدوخ )وقالت بصوت عالي: أحــم

فهد انتبه لنفسه وصرفها :هذا الشاب اللي دخل

رغد ابعدت عنهم شوي

الشاب:نعم خير ماسكيني

فهد:ليش داخل المجمع المجمع للعوايل

الشاب بكذب: يارجال معي اختي

رغد مصدومه وخايفه من شكل الشاب,,

فهد :وينها

الشاب يأشر على رغد اللي كانت بعيده عنهم شوي وحست انه يقولهم انها اخته

فهد بقلبه ضحك لانه يبغى يسمع صوتها الناعم وشكلها الجذاب وهو لحد الان ماشافها بس حس .

رغد بعصبيه قربت لفهد: كذاب انا المشتكيه عليه وتقول اختي

الشاب باكبر كذبه يقصد رغد:ياساره بلا اجرام ونذاله اعترفي اني اخوك وامشي بلا كذب

رغد مصدومه وخايفه من طريقه كلامه وبدت يدينها ترتجف

فهد يدري ان الولد كذاب بس حب يطول بالسالفه وكمل ضحك:اها اسمك ساره يله بلا لعب بزران وخلي العب للبزران وخوذي اخوك معك ...

وسكت ماكمل انصدم قاعد يشوف يدينها الناعمه ترتجف وعيونها تلمع

رغد ودموعها شوي وتنزل النار شابه بقلبها وماتدري وش تقول :اصلنا مو اخوي والدليل ان اسمي مو ساره اسمي رغد

فهد بقلبه (لبى اسمها يدوخ مع انها فضحت بنفسها):طيب

رغد والنار ماكله قلبها اكل دفت الشاب مع صدره بقوه بس تعتبر خفيفه او ماتعور عند الشباب ..

الشاب انقهر من رغد بنت تتعدى عليه دف رغد بقوه بيرد ضربتها لها
وهرب بيطلع من المجمع لان رغد قهرته لان اللي قبلها يدخلونه بس رغد لا الا الشرف والحركات هذي ....

رغد طاحت على الارض اغمى عليها من قوه الطيحه والولد يده ثقيله وفقدت الوعي واغراضها بكل مكان

فهد بخوف حرك راسها بيتاكد صار فيها شي ولا لا بس من قوة الطيحه مسك راسها من ورى شاف الارض كلها مليانه دم وتركها وركض برى المجمع



سوري البارت قصير المرآ الجايه اطول واحلى وحمااسي
بس ياليت اشوف الردود السنعه

ثانگس روعه تسلم ایدگ ننتظر ابداعتگ

روعه موضوعگ

ابي انزل البارت الثاني

البارت الرآبع

......الــيــوم الــرابــع..........<<اليوم الرابع من احداث ضياع رغد
صحى فهد باليوم الرابع بالصبح وطلب من المطعم وجهز السفره والطاوله والاكل وقومها ولبست من الملابس الى شرالها فهد يوم كانت بالمستشفى ...
رغد: فهد وينك
فهد : انا بالصاله
رغد:أأممممم اشم ريحه أكل مره طيبه ..دخلت الصاله وطبعا لابسه النقاب مارضت تشيله
فهد: تعالي تغدي ...وجلس يضحك عليها وقال : يله الحين بنمشي
رغد متوهقه : وشلون باأكل
فهد يستهبل عليها : وشلون بتأكلين يعني لازم أعلمك!!
رغد :اففف قصدي وشلون بأأكل وانا متغطيه منكـ
فهد يضحك بس خاف انها تعصب: تبغين تاكلين لاتتغطين واذا تبغين تتغطين لاتاكلين
رغد والجوع ذابحها ومانست موقفها امس نام ولاهمه بس انه خاف عليها :انا اليوم ماراح اصير ام خماس
فهد سمعها وفقع ضحك وهو كان يااكل شرق (غص)
ورغد شافته غص وقالت : ايه اكذب علي ..بلا لعب الحين عاد تغص صدق ترى ماراح اصدقك زي امس
....شافته ماقام يتنفس ووجهه قلب احمر شهقت وشربته وظربته ضرب خفيف على ظهره ورجع النفس لفهد
فهد وهو يصارخ بوجهها :لهدرجه امثل زييين .. واحد ياكل ذيك المره ماكنت اكل واضحك
رغد : اوكي اسفه (وقعدت تضحك عليه ) احسن من قالك تضحك علي
فهد : اضحك على كلامك يالمرجوجه وش جاب ام خمااس لك
رغد بخجل : يعني مين احلى
فهد : أكيييييييد يعني مين أحلى (رغد هنا ذابت )..وكمل.. أأأكييييد أأأأأم خماااس
رغد عصبت معاها علبه ببسي بتكبها فوق راس فهد وهو ميت ضحك
فهد : يعني يالخبله بالعقل من احلى وش جاب القمر لم ام خمااس (رغد استحت ) تعالي وعيب تكبين على واحد غريب ببسي
رغد نزلت البيبسي
فهد : مايحتاج تكشفين خلصت بروح اخذ شاور واخذي راحتك
رغد كل مالها تعرف شخيصه فهد وصدقت انه مرا حبوب وطيوب ويرتاح له القلب على طول يعني اي بنت بتحبه على طول وصارت ترتاح له
وفصخت عبايتها والنقاب وفتحت شعرها الاسود الطويل تحسب انه بيطول بالحمام وقعدت تاكل
وطلع فهد من الحمام ولابس ملابسه ودخل الصاله وكانت رغد موجوده وماحست ان فهد يطالع لها
فهد اول ماشاف شعرها الطويل الناعم راح بعالم ثاني وصار له ساعه يطالع لها كيف تاكل ونظرات عيونها ونعومتها ولشعرها ولحركاتها والبنت خذت عقله
حست رغد ان احد له ساعه واقف يطالع لها ولفت ولقت فهد يطالع لها سرحان بس ماتغطت قعدت تطالع له بنظرات اني انا هنا
ماقدرت تستحمل نظراته وصرخت بااعلى صوت : خلصت
فهد انتبه : هاه
رغد: خلصت
فهد شك يحسبها تعني انك خلصت من انك تطالعني وقال: خلصت ايش
رغد:خلصت شلت ملابسك ودخلتهم بشنطتك
فهد بارتباك: ايه ايه خلصت
وراحت شالت الغداء وفهد قعد يطالع لها وشعرها مضايقها ماتقدر تمشي وهي ماسكه الغداء وشعرها على وجهها ومرا متضايقه منه
رغد : فهد تعال وخر شعري واربطه
فهد طبعا صاروخ راح لها ورفع لها شعرها الناعم وقرب لها وربطه وداخ بريحه عطرها
رغد عصبت منه ودخلت المطبخ وحطت الغداء وطلعت تناظر له بنظرات استحقار ولبست عبايتها ونقابها وشالت كيسها وكيس فهد
فهد مارضى انه اتشيل الاكياس قرب عندها وقال: اعطيني الاكياس
رغد بعناد :لا خلهم معي
ويطالع لها بنظرات غضب :اعطيني الاكياس
رغد بعناد: ماابغى خلهم معي
فهد بغضب :اعطيني الاكياس ترى صبري نفذ
وخافت واعطته كيسه هو وخلت كيسها معها
فهد :اعطيني الثاني ..فهد كان بيمسك الكيس مسك يد رغد وكانت يدها ترجف من الخوف
رغد خافت منه لان يده كانت حاره واخذ الاكياس لانه معصب واخذ مفتاح السياره ومفتاح الشقه
وسلم الشقه لصاحبها واعطاه زياده فلوس
فهد: خلهم لك
صاحب الشقه : انشاء الله تتهنو الله يخليكم لبعض وبدعيلكم بالذريه الصالحه يارب وبنشوف اطفالكم انشاء الله
رغد بعصبيه : اووف وش قصده
صاحب الشقه بااستغراب : ليش انتو مو متزوجين
رغد كانت بتقول لا بس قاطعها فهد بعصبيه وبقلبه ضحكه :ايه هذي زوجتي وسحب رغد برا الفندق
رغد : ليش قلت كذا
فهد بعصبيه ويصارخ بوجهها:قلت كذا عشان ماتدرين وش بيسوي اذا قلت لا بيدق على الشرطه ويفهمون السالفه غلط ويضنون انها شرف وانا ماابي شرفي وشرفك يضيع ويمكن سجن
رغد اعجبها ذكائه بدت تحبه بس حب عادي وكل ماله حبها يزود. بس من قبل بس هي مو متاكده من مشاعرها هل هي حب ام اعجاب لشخصيته
وركبو السياره وقعدو يسولفون وبقى كثيرعشان يوصلون تقريبا 3 ساعات وفجاءه فهد تذكر انه سئلها وش رايك فيني يبغى يحسسها انه يحبها
فهد : رغد
رغد: هلا
فهد بذكاء ماقال سوال قال طلب:ممكن طلب وتجاوبيني بصراحه
رغد :آمر
فهد :مايامر عليك عدو (رغد هنا خانها التعبير ماقدرت تقول شي )
فهد: تعالي ليش ماسئلتيني وش رايي فيك
رغد تحاول تتهرب: مافهمت
فهد يحاول انها ماتتهرب منه: قبل كم يوم سئلتك وش رايك فيني وجاوبتي صح؟
رغد ماقدرت تتهرب من اسئلته ..رغد باارتباك :ووشش رااااييك وماقدرت تكمل جلست تطالع يدينها اللي ترتجف
فهد من الخوف قاعد يطالع ليدينها ومايطالع لطريق...الين ماصرخت رغد وفهد قعد يطالع لطريق ويعدل اتجاه السياره ولف لجهت التراب وطلع من السياره بسرعه
رغد خافت تحسب صار له شي ونزلت من السياره وراحت له بخوف:صار لك شي وسكتت وشافته بشكل يقطع القلب وتقول في قلبها
(وين فهد اللي اخاف منه واذا عصب يهز كل اللي قدامه اول مره اشوفه بالحاله هذي جالس على ركبه في التراب وقاعد يبكي وشهقاته ماليه المكان )
رغد بخوف ترفع راسه و تجلس على الارض وتضمه بااقوى ماعندها:يله فهد خلاص ماصار شي سلمنا يله بنكمل الطريق
فهد يرتجف كل جسمه :انتي بذمتي اذا متي انا بموت وراك
رغد: لاتفاول واذا مت ماراح اهلي يسوونها فيك
فهد ماحس بنفسه وطلع كل الى بقلبه : مو قصه اهلك اذا متي انا بموت معك مستحيل اعيش بدونك مستحيل
رغد مصدومه من الكلام اللي سمعته اول مره تسمع ذا الكلام واول مره تشوف حالت رجال كذا بسبتها وماتوقعت انه يحبها لهدرجه هذي
حاولت تهديه وتركبه السياره وهذا اللى صار و كملوا الطريق
بعد ربع ساعه
رغد :آآآ فهد صدق الكلام اللي قلته قبل شوي
فهد تذكر الكلام اللي قاله لها : ماعليك من اللي قلته انسي بس اسف ماتخليت احد معي ومسوي <<تكملت كلامه ومسوي حادث معه
قاطعته رغد : ماصار الا كل خيير
فهد بأاأهاات طالعه من قلبه وصرف السالفه وكانه تذكر شي آآآه صح رغد قبل لاانسى ليش اول ماقمتي عيونك ناشفه
رغد بتصرف الموضوع: نسيت لا اعبيها مويه هههه
فهد: تنكتين
رغد: لااحاول
فهد: خلاااص عااد
رغد بخوف:انشاء الله
فهد: هههه اذا سئلتك جاوبيني وخلي سماجتك بعدين
رغد: لا ماادري يمكن هي كذا بس ماصار شي
فهد: اهاا بس ترى سمعت كل شي كنت بقوم واهديك بس خفت تعصبي او تخافين او تزعلين وبنفس الوقت احسن لك تطلعين كل الى في قلبك
رغد وهي خانقتها العبره: ماتقصر
وخذاهم الوقت بالسواليف وجاعت رغد لانها مو من النوع الى ياكل كثير
رغد :فهودي ابغى شي اكله
فهد مصدوم :ووش قلتي
رغد :ابغى شي اكله
فهد : لا اللي قبله
رغد :فهودي !! ليش كم فهودي عندنا
فهد بدلع: واحد
رغد ضربته بخفيف : انقلع عطيتك وجه
ونزل فهد للبقاله ودخل وبعد ثانيه جاء وركب السياره
رغد : مسرع ماشاء الله وش جبت لي
فهد كاتم ضحكته :ماجبت لك شي
رغد بزعل : واللي بيدك
فهد: ايي هذا لي بس جبت كودريد وساندويش جبن
رغد : انزل اشتري لي والله جوعانه
فهد يبغى يقهرها حرك السياره ومشى
رغد انقهرت : وجع ليش ماشريت لي
فهد بذكاء: قولي لي احبك واشتري لك
رغد بعصبيه : ماابغى انا مو مثل
قاطعها فهد :انا مو مثل بنات هالايام انابنت ناس واهم شي عندي شرفي
رغد بهستره:إيه احسبك نسيتها قلت خلني اذكرك
فهد:شوفي اذا ماقلتي احبك ماراح اشتري لك ولا راح اكلمك
رغد :اولا حشى والله لو اني سياره لمرقيني بحبك بذي السرعه وانا ماعندي ذي السوالف
فهد: سياره ولا عربية بقاله مالي دخل ترا ماراح اشتري لك ولا راح اكلمك
رغد:احسن ماابغى

وجالسين على ذا الحال نص ساعه مايتكلمون مع بعض وفجاءه فهد سمع صوت بطن رغد يطلع صوت الجوع
وقعد يضحك وانقهرت رغد واخذت الكودريد حق فهد وفتحت الشباك وقطته
فهد : ليش قطيتيه
رغد :مو زين لك يظر بصحتك
فهد (لهدرجه خايفه علي ولا كل هذا قهر):لو أدري كان شاري كرتون مو واحد
رغد:تكفى خلاص جوعانه
فهد : اول شي قولي احبك
رغد بقهر لان ودها تقولها عشان تاكل مو عشانه وهي فاهمه قصده غلط يعني حب في الله زي الاخو وقالتها بدون نفس : احبك
رغد: يله مر اقرب محطه جوعاانه
وقعد يضحك فهد ودخل يده في ثوبه وطلع لها فطيره جبن وعصير من مخباه واعطاها
رغد بكل عصبيه : ياالنذل مارحمتني وطوال الوقت كنت حاطها في جيبك
فهد فاطس ضحك وانه انتصر عليها بنذاله مو بحق : اهم شي اني مانسيتك
واكلت رغد وخلصت ...
فهد: بس تكفين قوليها مرا ثانيه ماسمعتها زين يوم تقولينها مشوين
رغد بنذاله : ماابغى وماتقدر تسوي شي
فهد يسؤال غبي: تبغين امك
رغد مافهمت وباين على وجهها الفهاوه : أكيييد
فهد بنذاله وقف السياره على جمب : ماراح اكمل الين ماتقولينها
رغد بعناد : ماابغى
فهد حط راسه في راسها يعاندها طفى المكيف وفتح باب السياره ونزل وارتكى على السياره يعني مطول ماراح اتحرك
رغد تترجاه: لا تكفى الا المكيف حر ...ونزلت ..
رغد بترجي :بقى ساعه ونص على ديرتي
فهد:ماراح امشي الين ماتقولينها
رغد: ماابغى ...
وفجاءه طاحت عين فهد على سياره مليانه شباب زحفين يهدون السياره ومتجهين لهم لانهم شافو رغد وفهد
وطبعا رغد متغطيه بس كان تفكيرهم انهم يخطفوها ومستحيل يقدر فهد عليهم لان عددهم كبير
فهد صرخ بااعلى صوت : رغد اركبي السياره بسرعه
رغد بسرعه لفت و شافت سياره مليانه شباب يصاروخ ويشرون لها ويطالعون لها وبسرعه ركبت
فهد شغل بسرعه السياره واسرع والسياره الثانيه تحاول تخلي فهد يسوي حادث وفهد معصب ورغد تبكي وتشاهق من الخوف اللي قاعد يصير لهم
فهد يحاول يهديها وقربت له وضمها وفجاءه طالع لطريقه شاف لوحه ومسافات المدن قدامه ومايقدر يهرب ومايقدر يلف
فهد شهق شهقه وحده كانه طلع الهموم اللي فيه : رغد
رغد طالعت لطريق وطالعت لعيون فهد
فهد: قوليها ..قوليها
رغد والعبره خانقتها بس بتقولها وتفتك مع ان الكلمه مو ماليه قلبها مثل ماملت قلب فهد :أحبك
رغد انصدمت من حركه فهد دفها وانسدح فوقها خايف عليها يجيها شي
فهد آخر شي سمعه صرخت رغد ومحرك السياره
...عملو الحادث...

ـــــــــــــــــــــــــ ــــــ

توقعاتكم

فهد مات ..؟ او رغد ماتت....؟

تتوقعون الشباب خطفو رغد ..؟

باانتظار الردود

ابي ردود سنعه

اكمل بعدين مقدر اكمل الحين
يسلمو

مشگوره الرویه خقق حمستنی صراحه مرله روعه تسلم ایدگ

فديتك انتي الروعه

لبی قلبگ خقهه حمستنی تگتب قض

وصراحه اشجعگ

یسلموووا

يسلمو ع اروايه

رررغد الروايه حماس كممليها

یب رغود امانه وآله تحمست اقرها گلهآ یالیت تنزلین البارت الثالث

اوكيه

الا الامام رغود

البارت الخامس





فهد آخر شي سمعه صرخت رغد ومحرك السياره
وصوت رغد وهي تنادي وبعدها اغمى عليه وفقد الوعي
رغد بعد الحادث على طول طلعت من السياره بخوف لقت الشارع فاضي تحاول تسحب فهد
وبعد ماسحبت فهد وطلعته برى السياره كان مغمى عليه ويده اليسرى كلها دم ورجله اليمنى مليانه دم وجبهته تنزف دم
رغد بخوف اخذت جوال فهد بس ماتعرف وش تسوي بضبط ووقفت سياره عند حادثهم وساعدتهم ودقت رغد على الاسعاف
وكانت فيه مدينه قريبه لحادثهم وبعدها
ـــــــــــــــــــــــــ ـــــــــــــــــــــــــ ـــــــــــــــــــــ
اليوم الخامس من ضياع رغد
صحي فهد وشاف نفسه بمستشفى والتفت وشاف رغد بجمبه جالسه على الكرسي ونامت وحطت راسها عند كتف فهد الايسر
ومسح على راسها وهو يتاألم وقامت على صوته ومصدومه من اللي تشوفه
رغد تتكلم بخوف:فيك شي ..يئلمك شي..تبغاني انادي لك الدكتور يشوف حالتك..تبغى تاكل شي جوعان ..كلها مني
قاطعها فهد :مالك دخل انا اللي اسوق ..وانتي فيك شي ..؟
رغد :لاماجاني شي لو أنك ماسويت الى سويته كان أحسن شف اللي صار فيك مفروض يصير فيني
فهد بصراآخ: خلاااص اللي صار صار آآآآه راآسي
رغد بخوف :وش فيك تكفى قول وش اللي يألمك
فهد : لا لا مافيني شي بس صداع وألم في راسي
رغد بخوف طلعت وراحت لدكتور ودخلت ومعها دكتورات ودكاتره مو دكتور ..دخلت رغد والدكاتره على فهد
فهد بستغراب : الله يهديك يارغد جاييبتلي امة محمد
الدكاتره كلهم يضحكون على كلام فهد
رغد ودها تضحك بس شكل فهد يخوف مايوحي لضحك لان راسه عليه لفاف وشاش حولين راسه ورجله اليمنى كذالك نفس الشي
الدكتور : لا لاتخافيين اسد بس رضوض برجله اليمنى ..ويده اليسرى فيها رضوض وراسه لازم يجيه صداع طبيعي بس فيه آلاآم لان الجرح الى بجمب حاجبه بس بيروح مع الوقت
رغد شهقت والغرفه مليانه شهقاتها وفهد مايدري وش يسوي ضايع بين شهقات رغد
الدكتور يحاول يهديها : مافيه شي
رغد تطالع فهد : كله مني كله مني انا السبب
الدكتور مانفع معه يتكلم مع فهد : تحب نعطي زوجتك منوم او مهدي
فهد يطالع لرغد : لا لاتعطيها اخاف تتالم
الدكتور : اوكي على راحتك
رغد تحس انها قامت تدوخ بين شهقاتها وبين دموعها اللي ماليه الارض وحست انها ماتقدر تشوف الى حولها
وفجاءه فهد سمع شهقت رغد طلعت من قلب وجسمها طايح على الارض ودموعها ماليه الارض ومغمى عليها
قام فهد وصرخ بألم :آآآآآآه ...فهد استسلم للواقع انه مايقدر يساعدها ويشيلها عن الارض والالم مخاويه
شالو الممرضات رغد وحطوها على سرير بجمب سرير فهد لانها بتصير مرافقه له
فهد بضيااع وصدمه من شكلها وخايف عليها وصوته المنبح ماقدر ينطق اسمها
الدكتور يهدي فهد : لاتخاف مافيها شي بس اغمى عليها وبعد ساعه او ساعه ونص بتصحى ومافيها شي ويمكن تنام وماتصحى
فهد بعد ماطمنه الدكتور :اوكي مشكور وماقصرت ....
فهد : يادكتور
الدكتور :نعم
فهد :السياه خلصو تصليحها
الدكتور : ايه بس اشياء خفيفه ولا مافيها شي
فهد :هذي الفلوس
الدكتور اخذ الفلوس : اوكي العامل تحت وجاب السياره تلقاها بالمواقف حقت المستشفى
فهد : مشكور
الدكتور : العفو
وطلع الدكتور واللي معه
وبعد مرور ساعه ونص كامله على فهد من الطفش خايف انها ماتقوم لانهم اعطوها منوم بس كميه قليله
رغد وهي تنزل من السرير شوي شوي عشان فهد مايقوم بس كان مو نايم ولف ولقى رغد لابسه نقابها
وهي تقرب له ودموعها تنزل وتطيح بكفوف فهد ورغد وشهقاتها تزيد أكثر وأكثر
رغد وصوتها منبح :فهود تكفى ودني لم امي اشتقت لها وابغى ابوي تكفى اعطيك الى تبي ودني لمهم
فهد خانقته العبره ومتقطع قلبه على شكلها :رغد ياحبيبتي وشلون بوديك انا حدي اروح للحمام(أكرمكم الله)وتبغيني اسوق صراحه صعبه وماابغى اخاطر وتتئذين بسبتي وانتي بذمتي
رغد والعبره خانقتها : اوكي انا رايحه لحالي اخذ لي تاكسي يوديني
فهد انكسر خاطره على بنت زي الملاك عنده وتصيح وتترجاه ..
وحب يخليها تجلس مرافق معه وحب يخوفها :اوكي روحي بس ترا على فكره تراها ديرت ذيابه يعني اللي خلوني اسوي الحادث هم من هنا
رغد بخوف بس ماحبت تبين خوفها قدام فهد ومن يومها عنيده بس ماتقدر تصير عنيده عند فهد:اذا هم ذيابه انا لبوه ..وطلعت
فهد ضحكه مالي المستشفى على هبالت رغد وسكت فجاءه خاف انها ماترجع وتسوي الى في راسها بس متااكد انها بترجع لان عرف طريقه تفكيرها
فجاءه انفتح الباب ودخلت ودموعها اربع اربع وفصخت النقاب وهو مستغرب انه اكشفت ..ورمت نفسها وثقلها وجهها على السرير
وامتلت الغرفه شهقاتها ومن قوه رميتها يوم ترمي نفسها على السرير طلع كل ساقها يعني من الركبه وتحت طالع
انتبه فهد وقعد يطالع شكلها ولف وجهه يذكر نفسه

ويقول بقلبه(لا يافهد لاتطالع البنت بهذي النظره الحاده انت ماترضاها على اختك )

وفجاءه فهد سمع صوتها الناعم وفيه بحه من التعب والهم والضيق والبكى
رغد :وينك يايمه تشوفين حالتي ..اذا طلعت دمعه تخافين علي..وينك يمه ليتك تشوفين وش اشرب ولا وش اكل ..ولا وش البس ..متضايقه ولا مرتاحه..احد مزعلني ولا لا ..فيني شي ولا لا ..يعورني شي ولا لا ..وينك وينك
فجاءه حست رغد بااحد يغطي ساقها وحست بالدفئ والحنان ..فهد يرفع راسها وهي مغمضه ويوخر شعرها عن عيونها وكان بيتكلم وقاطعته رغد
رغد : ادري انك امي ادري ماراح افتح عيوني بس يمه ابي اضمك قبل لا افتحها
فهد مصدوم ورغد تضم فهد بكل قوتها ونعومتها ..يحاول يهديها : خلاص رغد يكفي دموع وقعد يهديها ويمسح دموعها
وجلس على الكنبه طبعا طويله وخلاها تنسدح على الكنبه وتحط راسها على رجل فهد ..ونامت ونام فهد وهو جالس على الاريكه (الكنبه)

وختام اليوم كان نوم ZzZzZz





البارتات الجايه حماسيه لاتفوتكم ^^
*(سوري ان البارت كان قصير بس ماحبيت اطلع وانا مانزلت البارت الخامس)*

ردود + تقييم

اذا لقيت ردود اكمل الحين

یسلموووووووووا یب یب گملی گملی گلمی ونزلی گل البراتا یاعسل

رغوده نزلی وانا اول وحده ارد علیگ یب نزعلی حمستنی وه فدیتگ تعرفینی اعشق رویات الا الامام رغود

فديتك رهوف ابي انزل البارات السادس الحين

نزلــي البارتتت $
نننبي روايات غيير يَ ققلبي
ممشكورهه وگملي !

البارت السادس ^^








اليوم السادس من ضياع رغد

وصحت رغد الصبح وشافت حالتها وشعرها منثور على جسم فهد وقامت وربطه ذيل حصان و مسكت فهد وسدحته على الكنبه وغطته

وبعد نص ساعه قام فهد من النوم ولقاها بجمبه وعنده الفطور ولابسه الفستان اللي شرالها..بس حاول فيها بس انها رفضت والحين هي من نفسها لبسته عشان انها بتشوف امها

فهد بستغراب: هذا اللي انا شريته

رغد : ايه ليش مو حلو علي

فهد : ههه لاما توقعت انه حلو عليك لدرجه هذي بس انا شفته بالفاترينه حلو بس انه

عادي وخذيته من باب الاحتياط بس طلع خيال عليك

رغد بخجل : يسلموا هذا من ذوقك

فهد : بس اضن انك رفضتي تلبسينه ليش الحين لابسته

رغد :عشان اليوم بنروح لااهلي

فهد وده يضحك على حماسها بس انكسر خاطره مع انه وده يجلس معها اكثر من كذا
... وجلس يفطر والتفت وشافها تلبس نقابها

فهد: يوووه رجعت حليمه لعادتها القديمه

رغد بدلع : عفوا اخوي اسمي رغد

فهد انقهر ويقول في قلبه ( طيب ليش انقهر كل ماقالت ياخوي صح مابيني وبينها شي مجرد اخوه بس اني احبها ومتعلق فيها ومستحيل اعتبرها اختي)
وطلعوا من الغرفه ودفع فهد مبلغ المرافق واخذ الاكياس وخرجو من المستشفى وجلست رغد قدام بجمب فهد
رغد : تكفى فهد هد السرعه امش شوي شوي يعني سرعه عاديه كل شوي تصير سالفه ولاتنسى يدك شبه مكسوره هههه ورجلك صح على طاري رجلك هي كسر ولا ايش
فهد : لا مو كسر رض خفيف يعني بتطيب بسرعه
رغد : طيب كم بقى ساعه ونوصل
فهد : ساعه
رغد طايره من الفرحه :اقول فهد اول مابتنزلني البيت بترجع لشغلك
فهد بيصرف بس ماقدر : لا
رغد بااستغراب :ليش
فهد : انفصلت
رغد بستغراب: ليش انفصلت
فهد :عشان السالفه الى صارت لك فصلوني
رغد : اف كلها مني
فهد : مالك دخل انا ماسمعت كلامك وكنت مستهتر وماحسيت ان السالفه بتصير كذأإ
رغد تتحلطم : طيب وش بتسوي كلها مني حالتك صارت كذا بسبتي وفصلوك من الشغل بسبتي
فهد : يابنت الحلال مالك دخل والحمدلله الخير واجد عندي شغل برجع لشركتي اللي بديرتي ومنها اكون عند اهلي لاني بصراحه اشتقت لهم
ومرت نص ساعه ..
رغد بخوف على طاري الاهل تذكرت شي : وقف
فهد بخوف : ليش
رغد بستهتار وتمثل العصبيه : اقولك وقف
فهد وقف السياره بخوف : -_-
ونزلت رغد وجلست ورى : امش يله حرك
فهد بضحك : هههه طلعتي قلبي من محله احسب صار فيك شي هههه الله يرجك
رغد : آميين
فهد فقع ضحك عليها : فيه احد يدعي على نفسه ..بس ليش جلستي ورا
رغد : وليش تبي اخوي فيصل يشوفني جالسه بجمبك عشان يقص رقبتي

فهد : هههههههههههه

رغد : ايه اضحك علي اتحدى لو تشوف اختك جالسه مع واحد والله ماراح تتركها

فهد: بذبحها اذا كانت مو ضايعه نفسك بس حرام وش دخل الولد...الولد لقى امانه ضايعه وبيرجعها لاهلها زيك

اول ماشافت رغد مدخل ديرتها و ديرت فهد دمعت عيونها وشهقاتها زادت واستغربت ان فهد ماسئلها وين مكان بيتها وفجاءه وقف السياره

عند قصر كبير فخم وكلمه فخم ما تكفي على فخامته وانفتحت البوابه ورغد طايره عيونه ماتدري وش تطالع ودخل فهد السياره داخل الحوش

خوات فهد سمعو صوت سياره وهم فوق اللي هم رهف وهمس وريم وركضو ودخلو غرفت امهم العنود اللي هي ام فهد

رهف وهمس وريم مو مصدقين من اللي يشوفونه عند الشباك يطلون منه ماصدقو اخوهم فهد جاء

ونزلو بسرعه تحت بالحوش ويركضون على مابال يوصلون للبوابه لان الحوش كبير ومسافته بعيده

وتخبو بمكان بحيث الحراس مايشوفونه (ريم + رهف + همس )

ريم خقت على عيون البنت اللي شافوها راكبه ورى مع فهد
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــ

نروح لرغد ..رغد خاقه على البيت وماتدري من بيته ولفت ولقت فهد يطالع لها باابتسامه

فهد باابتسامه : الحمدلله على السلامه وصلنا

رغد : الله يسلمك .. -_-"

رغد تطالع لثلاث بنات يطالعون لها من بعيد وهم مصدومين وجاء واحد من الحراس وفتح الباب لفهد و نزل فهد

واعطاهم الاكياس ونسى انه اخذ كيس رغد مع الحراس عشان يعطون الكيس للخدم وجاء حارس ثاني فتح الباب لرغد و رغد طايره من الفرحه

هم اغنياه مراا بس مافكرت تحط حراس .

فهد : رغد ماودك تنزلين

رغد : ليش انزل ودني اول شي لااهلي
فهد باابتسامه : طيب بنغير السياره ..سيارتي وصخه باخذ سيارتي الثانيه

وغيرو السياره وركب فهد السياره وركبت رغد ورا وفتحو الحراس البوابه وطلع

فهد سئلها وين بيتكم

رغد مصدومه : كل ذولم حراس

فهد : ايه ليش هههههه

رغد : لا بس احس انهم كثار
فهد : ههههه
رغد : طيب البنات الثلاث مين هم
فهد ماانتبه لخواته : مافي بنات ثلاث !!
رغد : لا ماادري في بنتين يشبهون بعض وحدها شعرها قصير
فهد يضحك : وين شفتيهم
رغد :بالحوش بس بعيدين مرا
فهد : اهاا ههههه هذولي خواتي بس حسافه ماسلمت عليهم الحين اذا رجعت اعرفهم بياكلوني بيحللون شخصيتك بالاسئله
رغد : ههه طيب شسمهم ...؟
فهد : اللي يشبهون بعض رهف وهمس ذولي زيك مرجوجات عمرهم 14 سنه واللي شعرها قصير اسمها ريم وعمرها 13 سنه
رغد : اهاا يهبلون ماشاء الله عليهم الله يخليهم لك ولهلك
فهد : آميين
رغد بدلع حبت تسئله سوال :فهوود
فهد نسى نفسه :ياعيون فهود
رغد : لا لاتقول كذا ترا مااسئلك
فهد : لا لا خلاص اسئلي
رغد : لا استوب ترا بيتي في حاره كذا وشارع كذا قريب لبيتكم
فهد : الله وناسه بجمب حارتنا
رغد :المهم بس حبيت اسئلك سوال وش اللي يعجبك فيني ببري ذمتي بذا السوال اللي نشبت لي فيه
فهد أرتبك : أإحـم والتفت يطالع لها وهو يسوق
رغد ضربته : طالع قدام يالخبل لا تطالع لي





سوري البارت مراآإ قصير وبعووضكم فيه انشاء الله بالبارت السابع ^^

ابي ردود سنعه